శ్రీ: శ్రీమతే శఠకోపాయ నమః శ్రీమతే రామానుజాయ నమః శ్రీమద్వరవరమునయే నమః
<< ద్రమిడోపనిషత్ ప్రభావ సర్వస్వం – 24
పరాంజ్ఞ్కుశ పయోనిధి – నమ్మాళ్వార్లనే పయోనిధి
స్వామి రామానుజుల గ్రంధాలలో ఆళ్వార్ల ప్రబంధాల ప్రభావం ఎంత ఉందో తెలుసుకోవటానికి ఇప్పటి దాకా చాలా విషయాలను చూసాము. వారికి ఆళ్వార్ల మీద ఎంతటి భక్తి భావం ఉందో కూడా చూసాము. ఇప్పుడు సంస్కృతంలో గ్రంధాలను అనుగ్రహించిన ఆచార్యుల మీద ఆళ్వార్ల ప్రభావం ఎలా ఉందో తెలుసుకోవటానికి ప్రయత్నము చేద్దాము.
ఆళ్వాన్ అని ప్రసిద్దిగాంచిన కూరత్తాళ్వాన్ స్వామి రామానుజుల ప్రియశిష్యులు, “పంచ స్తవము” అనే స్తుతి గ్రంధాలను రాసిన మహామేధావి. వీరి మొదటి స్తవం శ్రీవైకుంఠ స్తవము. ఈ గ్రంధాన్ని వీరు “యో నిత్యమచ్యుత ” అని అద్భుతమైన ఆచార్య స్తుతితో ప్రారంభించారు . ఆ తరువాత రెండు శ్లోకాలలో ఆళ్వార్లను స్తుతించారు. స్వామి రామానుజులకు ఆళ్వార్ల మీద అపారమైన భక్తి ఉన్నందున వీరు కూడా ఆళ్వార్లను స్తుతించారని అంటారు . ఇక ఈ రెండు శ్లోకాలను వివరంగా చూద్దాం.
త్రైవిద్య వృధ్ధజన మూర్థ విభూషణం యత్ సమ్పచ్చ సాత్విక జనస్య యదేవ నిత్యమ్ I
యద్వా శరణ్యమశరణ్య జనస్య పుణ్యం తత్ సంశ్రయేమ వకుళాభరణాంజ్ఞ్రియుగ్మమ్ II
త్రైవిద్యవృత్తజన మూర్థ విభూషణం: ఆళ్వార్ల శ్రీపాదాలే “త్రైవిద్యవృత్తజన మూర్థ విభూషణం”. వేదాలను అభ్యసించిన వేద మూర్తుల శిరస్సులకు ఆళ్వార్ల శ్రీపాదాలే ఆభరణం అంటున్నారు. అవియే “సాత్విక జనస్య నిత్యమ్ సంపత్” – శుద్ధసాత్వికుల నిత్య సంపద. ఆళవందార్లు తమ “మాతా పితా” అనే శ్లోకంలో ఆళ్వార్ల శ్రీపాదాలే తమకు సర్వస్వం అని చెప్పుకున్నారు.
మశరణ్యజనస్య శరణ్యం: ఆళ్వార్ల శ్రీపాదాలే ఏదిక్కు లేనివాడికి దిక్కు….. లోకంలో ప్రజలు డబ్బునో, పరపతి గల వారినో ఆశ్రయిస్తారు. కానీ భగవద్కైంకర్య నిష్టులు ఇలాంటి నీచమైన వాటిని మనసా వాచా ఆశ్రయించరు. తమ త్రికరణాలను భగవంతుడి మీదే నిలుపుతారు. ఆళ్వార్లె ఇటువంటి భాగవత గోష్టికి నాయకులు కావున ఆళ్వార్ల శ్రీపాదాలనే ఆశ్రయిస్తారు. ఆళ్వార్ల శ్రీపాదాలు మాత్రమే ఈ లోకంలోని ఈతిబాధల నుండి చేతనులను రక్షించగల శక్తిగలవి. శరీరాన్ని శుష్కించి తపస్సులో మునగటమో, పాపాలను పోగొట్టు కోవటానికి తీర్థాలు వెతకటమో చేయనవసరం లేదు, ఆళ్వార్ల శ్రీపాదాలను శరణాగతి చేస్తేచాలు, అవి మన పాపాలను పోగొట్టి మనలను పవిత్రులుగా చేయగలవు .
ఇక తరువాతి శ్లోకాన్ని చూద్దాం :
భక్తిప్రభావ భవదద్భుత భావబంధ సంధుక్షిత ప్రణయ సారరసౌఘ పూర్ణః !
వేదార్థరత్ననిధి రచ్యుత దివ్యధామ జీయాత్ పరాఙ్కుశపయోధిః అసీమభూమా!!
ఈ శ్లోకములో ఆళ్వార్లను ఒక సముద్రంగా చిత్రీకరించారు. ఇలా చెప్పటానికి నాలుగు కారణాలు ఉన్నాయి.
1. భక్తిప్రభావ భవదద్భుత భావబంధ – సందుక్షిత ప్రణయ సార రసౌఘపూర్ణః = సముద్రం వివిధ నీటి వనరులతో నింప బడుతుంది. అలాగే పరాంఙ్కుశ సముద్రం కూడా భక్తి అనే అద్భుత నవరస భరితమైన పవిత్రభావ ప్రవాహంతో నిండిన సముద్రం.
2.సముద్రం ముత్యాలు, పగడాలు, ఇంకా ఎన్నో వెలలేని విలువైన సంపదలకు నిలయం. ఆవిధంగానే ఇది వెలలేని విలువైన వేదాంత రత్నాలకు నెలవు.
3. సముద్రం పరమాత్మకు శయన మందిరం. అచ్యుత దివ్య ధామము. ఆయన సముద్రం మీద శయనిస్తారు, రామావతారంలో సముద్రం మీద ఒక ఆనకట్టను నిర్మించాడు. అయినా ఆయనకు వైకుంఠం కన్నా, ఆ పాల కడలి కన్నా, తిరువేంకటము కన్నా నా హృదయమే ఇష్టం కాబట్టి వాటిని వదిలివేసి వచ్చి నా హృదయంలో స్థిరపడ్డాడు. “కల్లుం, కనైకడలుం, వైకుంద వానాడుం పుల్లెండ్రోళిందన కొల్ ఏ పావం, వెళ్ళ నెడియాన్ నిరంగరియాన్ ఉళ్ పుగుందు నిన్రాన్ అడియేనదు ఉళ్ళతగం” (కల్లుం – తిరుమల, కనైకడలుం – పాలసముద్రము, వైకుంద వానాడు – శ్రీవైకుంఠంము, పుల్లెండ్రోళిందన కొల్ ఏ పావమే – నే చేసిన పాపమేమిటో తృణ ప్రాయంగా వదిలి వేసి, వెళ్ళ నెడియాన్ నిరంగరియాన్ ఉళ్ పుగుందు నిన్రాన్ అడియేనదు ఉళ్ళతగం = నల్లని వాడు వెంటనే వచ్చి నా హృదయంలో స్థిరపడ్డాడు)
“కొండల్ వణ్ణన్ సుడర్ ముడియాన్ నాన్గు తోళన్ కునిసార్గన్ ఒణ్ సంగదై వాళాళియాన్ ఒరువన్ అడియే నుళ్ళానే” (నల్లని వాడు ప్రకాశమానమైన శిఖ గలవాడు చతుర్భుజములవాడు శంఖ, చక్రం, గధ, శార్జము, ఖడ్గం, మొదలైన ఆయుధములు గలవాడు) ఈ పాశురాల అర్థము తిరువాయిమోళిలో చక్కగా వివరించబడింది.
4. సముద్రము అంతుచిక్కనంత పెద్దది. ఆసీమ భూమా అని పిలువబడుతున్నది. “కణ్ణినుణ్ శిరుత్తాంబినాల్” అనే ప్రబంధంలో మధుకవి ఆళ్వార్లు నమ్మాళ్వా ర్లను “అరుళ్ కొండాడుం అడియవర్” అని వర్ణించారు.
ఈ ప్రకారంగా పరంజ్ఞుశ పయోనిధి ఔన్నత్యాన్నిఆళ్వార్లు కీర్తించారు .
అడియెన్ చూడామణి రామానుజ దాసి
మూలము : https://granthams.koyil.org/2018/02/23/dramidopanishat-prabhava-sarvasvam-25-english/
archived in https://granthams.koyil.org/
pramEyam (goal) – https://koyil.org
pramANam (scriptures) – https://granthams.koyil.org
pramAthA (preceptors) – https://acharyas.koyil.org
SrIvaishNava Education/Kids Portal – https://pillai.koyil.org