ಯತೀ೦ದ್ರ ಪ್ರವಣ ಪ್ರಭಾವಂ – ಭಾಗ ೩೯

ಶ್ರೀಮತೇ ಶಠಕೋಪಾಯ ನಮಃ ಶ್ರೀಮತೇ ರಾಮಾನುಜಾಯ ನಮಃ ಶ್ರೀಮತ್ ವರವರಮುನಯೇ ನಮಃ ಶ್ರೀ ವಾನಾಚಲ ಮಹಾಮುನಯೇ ನಮಃ

ಪೂರ್ಣ ಸರಣಿ

<< ಹಿಂದಿನ ಲೇಖನವನ್ನು

ನಾಯನಾರರು ಸನ್ಯಾಸಾಶ್ರಮವನ್ನು ಸ್ವೀಕರಿಸಿದರು

ಆ ಸಮಯದಲ್ಲಿ, ದಕ್ಷಿಣ ದಿಕ್ಕಿನಿಂದ ಕೆಲವು ಜನರು ಬಂದು ನಾಯನಾರರಿಗೆ ತಮ್ಮ ಕುಟುಂಬದಲ್ಲಿ ಆಗಿರುವ ದುಃಖದ ಬಗ್ಗೆ ತಿಳಿಸಿದರು, ಇದು ಪೆರುಮಾಳರಿಗೆ ಅವರ ಸೇವೆ ಅನುಚಿತವಾಗಿತ್ತು. ಶ್ರೀರಂಗನಾಥನ ದಿವ್ಯ ಪಾದಗಳನ್ನು ತಲೆಯ ಮೇಲೆ ಇಟ್ಟುಕೊಂಡು ಆ ಕ್ರಿಯೆಯ ಮೂಲಕ ತನ್ನನ್ನು ತಾನು ಉಳಿಸಿಕೊಳ್ಳುತ್ತಿದ್ದ ಅವರಿಗೆ, ಎಂಪೆರುಮಾನನಿಂದ ಈ ಬೇರ್ಪಡುವಿಕೆಗಳು ದುಃಖವನ್ನುಂಟುಮಾಡುತ್ತಿವೆ ಎಂದು ಅವರು ಭಾವಿಸಿದರು; “ತ್ವದ್ ಪಾದಪದ್ಮ ಪ್ರವಣಾತ್ಮ ವೃದ್ದೇರ್ ಭವಂತಿ ಸರ್ವೇ ಪ್ರತಿಕೂಲರೂಪಾ: ” ನಲ್ಲಿ ಹೇಳಿರುವಂತೆ. (ದೇವರೀರ್ ಅವರ ದಿವ್ಯ ಪಾದ ಕಮಲಗಳಲ್ಲಿ ನಿರತರಾಗಿರುವ ಅಡಿಯೇನ್ ಗೆ, ಇವೆಲ್ಲವೂ ದೇವರೀರ್ ಗೆ ಸಂಬಂಧಿಸಿದ ವಿಷಯಗಳನ್ನು ಅನುಭವಿಸುವುದಕ್ಕೆ ಪ್ರತಿಕೂಲವಾಗಿವೆ), ಅವರು ತಕ್ಷಣವೇ ತಮ್ಮ ವಿದ್ಯಾರ್ಥಿ ದಿನಗಳಲ್ಲಿ ಸ್ನೇಹಿತರಾದ ಶಟಕೋಪ ಜೀಯರ್ ಅವರನ್ನು ಭೇಟಿ ಮಾಡಲು ಹೋದರು. ಶ್ಲೋಕಕ್ಕೆ ಅನುಗುಣವಾಗಿ.

ಛಂದಂ ತಸ್ಯೈಶ ವಿಜ್ಞಾಯ ನಂದನ್ ನಂದನ್ ನಿರಂತರಂ
ಸರ್ವಂ ಸಂಗಮ್ ಪರಿತ್ಯಜ್ಯ ತುಂಗಮ್ ಪ್ರಾವಿಶದಾಶ್ರಮಂ

(ಶಟಕೋಪ ಜೀಯರ್ ಅವರ ದಿವ್ಯ ಮನಸ್ಸನ್ನು ತಿಳಿದು ಅಳಗಿಯ ಮಣವಾಳ ನಾಯನಾರ್ ಬಹಳ ಸಂತೋಷಪಟ್ಟರು. ಎಲ್ಲಾ ಬಾಂಧವ್ಯಗಳನ್ನು ತ್ಯಜಿಸಿ, ಅವರು ಉದಾತ್ತ ಸನ್ಯಾಸಾಶ್ರಮ ಹಂತವನ್ನು (ಸನ್ಯಾಸಿಯಾಗುವ ಹಂತ) ಪ್ರವೇಶಿಸಿದರು, ಪ್ರತಿಯೊಬ್ಬ ವ್ಯಕ್ತಿ ಮತ್ತು ಎಲ್ಲದರೊಂದಿಗಿನ ಬಾಂಧವ್ಯವನ್ನು ತ್ಯಜಿಸಿದರು ಮತ್ತು ಸಂಪೂರ್ಣ ತ್ಯಾಗದಿಂದ, ದಯಾಪರವಾಗಿ ಸನ್ಯಾಸಿಯಾದರು. ಶಟಕೋಪ ಜೀಯರ್ ಅವರಿಗೆ ತಮ್ಮ ದೈವಿಕ ಕೈಗಳ ಮೂಲಕ ತ್ರಿದಂಡಂ [ಚಿತ್ (ಚೇತನಾ ಅಸ್ತಿತ್ವ), ಅಚಿತ್ (ಚೇತನಾ ಅಸ್ತಿತ್ವ) ಮತ್ತು ಈಶ್ವರನ್ (ಎಂಪೆರುಮಾನ್) ಎಂಬ ಮೂರು ಅಸ್ತಿತ್ವಗಳನ್ನು ಪ್ರತಿನಿಧಿಸುವ ಮೂರು ಕೋಲುಗಳಿಂದ ಮಾಡಿದ ಕಂಬ] ಮತ್ತು ಕೇಸರಿ ನಿಲುವಂಗಿಯನ್ನು ಅರ್ಪಿಸಿದರು, ಅವರು ಅವುಗಳನ್ನು ಧರಿಸಿದರು. ಅವರು ಶಟಕೋಪ ಜೀಯರ್ ಅವರೊಂದಿಗೆ ಪೆರುಮಾಳ್ ಸನ್ನಿಧಿಗೆ ಹೋಗಿ ಅವರನ್ನು ಪೂಜಿಸಿದರು. ಅವರು ಕೆಳಗಿನ ಶ್ಲೋಕವನ್ನು ಪಠಿಸಿದರು

ಮಂಗಳಂ ರಂಗಧುರ್ಯಾಯ ನಮ: ಪನ್ನಗಶಾಯೀನೇ
ಮಂಗಳಂ ಸಹ್ಯಜಾಮಧ್ಯೆ ಸಾನ್ನಿತ್ಯಕೃತ ಚೇತಸೇ

(ಶ್ರೀರಂಗನಾಥನಿಗೆ ಶುಭವು ತಲುಪಲಿ. ಆದಿಶೇಷನ ಹಾಸಿಗೆಯ ಮೇಲೆ ಒರಗಿರುವ ಪೆರುಮಾಳರ ದಿವ್ಯ ಪಾದಗಳಿಗೆ ನಾನು ನಮಸ್ಕರಿಸುತ್ತೇನೆ. ಎರಡು ಕಾವೇರಿ ನದಿಗಳ ನಡುವೆ ಶಾಶ್ವತವಾಗಿ ನೆಲೆಸುವಲ್ಲಿ ದಿವ್ಯ ಮನಸ್ಸು ದೃಢವಾಗಿರುವ ಪೆರುಮಾಳನಿಗೆ ಶುಭವು ತಲುಪಲಿ. ಪೆರುಮಾಳರು ಸಹ ಅವರನ್ನು ಕರುಣೆಯಿಂದ ಪೋಷಿಸಿ, ಅವರ ಹಿಂದಿನ ದಿವ್ಯ ನಾಮವನ್ನೇ (ಮಣವಾಳನ್) ಸನ್ಯಾಸಾಶ್ರಮದ ಹೆಸರಾಗಿ ಇಟ್ಟುಕೊಳ್ಳಲು ಹೇಳಿದರು.ಅವರು ಹೇಳಿದರು, “ನಾವು ನಿಮಗೆ ಪಲ್ಲವರಾಯನ ಮಠವನ್ನು ಅರ್ಪಿಸುತ್ತಿದ್ದೇವೆ. ನಿಮ್ಮ ದೇಹವು ಬೀಳುವವರೆಗೂ, ಎಂಪೆರುಮಾನಾರ್‌ನಂತೆಯೇ ಇಲ್ಲಿಯೇ ಇರಿ” [ಈ ಪಲ್ಲವರಾಯನ ಮಠವನ್ನು ಈ ಹಿಂದೆ ಕಂದಾಡೈಯಾಂಡಾನ್ (ರಾಮಾನುಜರ ಸೋದರಳಿಯ ಮತ್ತು ಶಿಷ್ಯನಾಗಿದ್ದ ಮುದಲಿಯಾಂಡಾನ್ ಅವರ ಮಗ) ತಮ್ಮ ಆಚಾರ್ಯರಾದ ಆಟ್ಕೊಂಡವಿಲ್ಲಿ ಜೀಯರ್‌ಗಾಗಿ ನಿರ್ಮಿಸಿದ್ದರು. ತಮ್ಮ ತಿರುವಾರಾಧನ ಪೆರುಮಾಳ್ (ಅವರು ದಿನನಿತ್ಯ ಪೂಜೆ ಮಾಡುತ್ತಿದ್ದ ವಿಗ್ರಹ) ಗಾಗಿ ಎನ್ನೈ ತ್ತೀಮನಂ ಕೆಡುತ್ತಾರ್ (ಕೃಷ್ಣನಿಗೆ ದೈವಿಕ ಹೆಸರು, ಮನಸ್ಸಿನಿಂದ ದುಷ್ಟ ಆಲೋಚನೆಗಳನ್ನು ತೆಗೆದುಹಾಕುವುದರಿಂದ), ಅವರು ಶ್ರೀರಂಗಂ ದೇವಸ್ಥಾನದಲ್ಲಿ ಪ್ರಸಾದ (ಸಲ್ಲಿಸುವ ಆಹಾರ) ಮತ್ತು ತುಪ್ಪದ ದೀಪವನ್ನು ಏರ್ಪಡಿಸಿದರು [ಜೀಯರ್‌ಗಳು ಬೆಂಕಿಯೊಂದಿಗೆ ಯಾವುದೇ ಸಂಬಂಧವನ್ನು ಹೊಂದಲು ಅನುಮತಿಸಲಾಗುವುದಿಲ್ಲ; ಆದ್ದರಿಂದ ಅವರು ಆಹಾರವನ್ನು ಬೇಯಿಸಲು ಮತ್ತು ದೀಪಗಳನ್ನು ಬೆಳಗಿಸಲು ಸಾಧ್ಯವಿಲ್ಲ].ಆ ಸಮಯದಲ್ಲಿ, ಅವರ ವಂಶಸ್ಥರು ಪರಸ್ಪರ ತಪ್ಪು ತಿಳುವಳಿಕೆಯಿಂದಾಗಿ ಆ ವಿಗ್ರಹವನ್ನು ದೇವಾಲಯದ ಉಗ್ರಾಣ ಮನೆಗೆ ನೀಡಿದ್ದರು. ಹಿಂದಿನ ಕಾಲದಲ್ಲಿ, ಪಲ್ಲವರಾಯನು ಅದನ್ನು ನಿರ್ವಹಿಸುತ್ತಿದ್ದ ಕಾರಣ ಅತ್ಯಂತ ವಿಶಿಷ್ಟವಾದ ರಾಮಾನುಜ ಕೂಟವು ಪಲ್ಲವರಾಯನ ಮಠವಾಯಿತು. ಪೆರುಮಾಳ್ ಆ ಮಟನ್ನು ಮತ್ತು ತಿರುವಾರಾಧನ ವಿಗ್ರಹವನ್ನು ಎನ್ನೈ ತ್ತೀಮನಂ ಕೆಡುತ್ತಾರ್ ‘ರನ್ನು ಮಣವಾಳ ಮಾಮುನಿಗಳಿಗೆ ಅರ್ಪಿಸಿದರು, ಮತ್ತು “ನಿಸೃಷ್ಟಾತ್ಮಾ ಸುಹೃತ್ಶುಚಾ” (ತನ್ನ ಜವಾಬ್ದಾರಿಗಳನ್ನು ತನ್ನ ಸ್ನೇಹಿತರಿಗೆ ಒಪ್ಪಿಸುವವನು) ಯಲ್ಲಿ ಹೇಳಿದಂತೆ, ಪೆರುಮಾಳ್ ಕೂಡ ತನ್ನ ಜವಾಬ್ದಾರಿಯನ್ನು ಬಿಟ್ಟುಕೊಟ್ಟರು ಮತ್ತು ಪವಿತ್ರ ತೀರ್ಥವನ್ನು , ಪರಿವಟ್ಟಂ , ಪ್ರಸಾದ ಮತ್ತು ಶ್ರೀ ಶಟಕೋಪನ್ ಅರ್ಪಿಸಿದರು. ನಂತರ ಅವರು ಉತ್ತಮ ನಂಬಿ ಮತ್ತು ಇತರರಿಗೆ “ನಮ್ಮ ಅಳಗಿಯಮಣವಾಳ ಜೀಯರ್ ಅವರ ಮಠಕ್ಕೆ ಜೊತೆಯಾಗಿ ಬರಲು ” ಹೇಳಿದರು. ಅವರೂ ಹಾಗೆಯೇ ಮಾಡಿದರು ಮತ್ತು “ಅಡಿಯಾರ್ಗಳ್ ವಾೞ ಅರಂಗ ನಗರ್ ವಾೞ …ಮನವಾಳ ಮಾಮುನಿಯೇ ಇನ್ನುಮೊರು ನೂಟ್ರಾಂಡು ಇರುಮ್ ” (ಶಿಷ್ಯರನ್ನು ಹಾಗೂ ಶ್ರೀರಂಗಂ ನಗರವನ್ನು ಉನ್ನತಿಗೊಳಿಸುವುದಕ್ಕಾಗಿ .. . . . ಓಹ್ ಅೞಗಿಯ ಮಣವಾಳ ಮಾಮುನಿ ಇನ್ನೂ ನೂರು ವರ್ಷ ಬದುಕಿ!) ಎಂದು ಆತನನ್ನು ಪೂಜಿಸಿದರು.

ವಾನಮಾಮಲೈ ಜೀಯರ್ ಮತ್ತು ಇತರರ ಸಹಾಯದಿಂದ, ಅವರು ಇಡೀ ಮಠವನ್ನು ನವೀಕರಿಸಿದರು. ಅವರು ವ್ಯಾಖ್ಯಾನ ಮಂಟಪ (ಕಾಲಕ್ಷೇಪ ಕೂಟ ಅಥವಾ ಅವರು ಪ್ರವಚನ ನೀಡುವ ಸಭಾಂಗಣ) ನಿರ್ಮಿಸಿದರು, ಅದನ್ನು ತಿರುಮಲೈಆಳ್ವಾರ್ (ಅವರ ಆಚಾರ್ಯರ ಹೆಸರು ) ಎಂದು ಕರೆದರು. ನಂತರ ಅವರು ಪಿಳ್ಳೈ ಲೋಕಾಚಾರ್ಯರ ದಿವ್ಯ ನಿವಾಸದಿಂದ ಮಣ್ಣನ್ನು ತಂದು, ಅದನ್ನು “ರಹಸ್ಯಂ ವಿಳೈನ್ದ ಮಣ್” (ಗೌಪ್ಯಾರ್ಥಗಳು ಹೊರಹೊಮ್ಮಿದ ಮಣ್ಣು) ಎಂದು ಕರೆದರು ಮತ್ತು ರಕ್ಷಣೆಗಾಗಿ ಅವರು ಕುಳಿತುಕೊಳ್ಳುವ ಸ್ಥಳದ ಮುಂದೆ ಹರಡಿದರು. ಆ ಸ್ಥಳವನ್ನು ತಮ್ಮ ಗುರುಕುಲವಾಸವೆಂದು (ತಮ್ಮ ಆಚಾರ್ಯರ ದಿವ್ಯ ಸ್ಥಳದಲ್ಲಿ ವಾಸಿಸುವ) ಪರಿಗಣಿಸುತ್ತಾ, ಅವರು ಅಲ್ಲಿ ತಮ್ಮ ಆಚಾರ್ಯರ ಎರಡು ದಿವ್ಯ ಕಮಲದಂತಹ ಪಾದಗಳ ನಡುವೆ ವಾಸಿಸುತ್ತಿದ್ದರು ಮತ್ತು ನಿಯಮಿತವಾಗಿ ಪ್ರವಚನಗಳನ್ನು ನೀಡುತ್ತಿದ್ದರು. ಪಿಳ್ಳೈ (ತಿರುವಾಯ್ಮೊಳಿ ಪಿಳ್ಳೈ) ನಮ್ಮಾಳ್ವಾರ್ ಎಂಬ ದಿವ್ಯ ನಾಮದಿಂದ ಹೊಳೆಯುತ್ತಿದ್ದಂತೆ, ಮಾಮುನಿಗಳು ಕೂಡ ನಂಪೆರುಮಾಳ್ ಎಂಬ ದಿವ್ಯ ನಾಮದಿಂದ ಚೆನ್ನಾಗಿ ಹೊಳೆಯುತ್ತಿದ್ದರು. “ರಂಗಮಂಗಳ ಧುರ್ಯಾಯ ರಮ್ಯಜಾಮಾತೃಯೋಗಿನ:” (ದೇವಾಲಯಕ್ಕೆ ಮಂಗಳಾಶಾಸನ ಮಾಡುವವರಾದ ಮಣವಾಳ ಮಾಮುನಿಗಳಿಗೆ ಶುಭವಾಗಲಿ) ಎಂಬ ಮಾತಿನಂತೆ ಅವರು ದೇವಾಲಯಕ್ಕೆ ಶುಭ ಹಾರೈಸುತ್ತಾ ಶುಭ ತರುತ್ತಿದ್ದ ಸಮಯದಲ್ಲಿ, ಜನರು ಅವರ ಬಗ್ಗೆ ಹೀಗೆ ಹೇಳಿದರು.

ಆಚಾರ ಜ್ಞಾನ ವೈರಾಗಗ್ಯೈ ರಾಗಾರೇಣಾಚ ತಾಧೃಶ:
ಶ್ರೀಮಾನ್ ರಾಮಾನುಜ ಸೋಯಮಿಥ್ಯಾಶಂ ಸನ್ಮಿತ: ಪ್ರಜಾ:

ರೂಪ, ನಡವಳಿಕೆ, ಜ್ಞಾನ ಮತ್ತು ಲೌಕಿಕ ಅನ್ವೇಷಣೆಗಳಿಂದ ನಿರ್ಲಿಪ್ತತೆಯಲ್ಲಿ ಮಾಮುನಿಗಳು ರಾಮಾನುಜರನ್ನು ಹೋಲುತ್ತಿದ್ದರಿಂದ, ಜನರು ಪರಸ್ಪರ ಅವರನ್ನು ಆ ಶ್ರೀಮಾನ್ (ಕೈಂಕರ್ಯ ಸಂಪತ್ತನ್ನು ಹೊಂದಿರುವವರು) ರಾಮಾನುಜರು ಎಂದು ಹೊಗಳುತ್ತಿದ್ದರು.ಅವರು ಎಂಪೆರುಮಾನಾರರ ಪುನರ್ಜನ್ಮ ಎಂದು ಅವರು ತಮ್ಮ ಮನಸ್ಸಿನಲ್ಲಿ ಬಹಳ ದೃಢವಾಗಿದ್ದರು. ಅವರು ಮಾಮುನಿಗಳ ದೈವಿಕ ಪಾದಗಳ ಅಡಿಯಲ್ಲಿ ಆಶ್ರಯ ಪಡೆದರು, ಅದರ ಪರಿಣಾಮವಾಗಿ ಪ್ರಸಿದ್ಧವಾಗಿ ಗುರುತಿಸಿಕೊಂಡರು. ಅವರು ಹೇಳಿದರು “ಪರಮಪದನಿವಾಸ ಫಣಿಪುಂಗವ ರಂಗಪಧೇರ್ ಭವನಮಿದಂ ಹಿತಾಯ ಜಗತೋ ಭವಧಾಧಿಗತಂ”(ಓ ತಿರುವನಂತಾಳ್ವಾನ್ (ಆಧಿಶೇಷನ್) ಶ್ರೀವೈಕುಂಠಂನಲ್ಲಿ ನೆಲೆಸಿದ್ದಾರೆ!. ಈ ಅೞಗಿಯ ಮಣವಾಳನ (ಪೆರಿಯ ಪೆರುಮಾಳ್) ವಾಸಸ್ಥಾನವಾಗಿರುವ ಈ ಶ್ರೀರಂಗವನ್ನು ದೇವರೀರ್ [ಇಲ್ಲಿ ಮಣವಾಳ ಮಾಮುನಿಗಳ ಉಲ್ಲೇಖ] ಈ ಲೋಕದ ರಕ್ಷಣೆಗಾಗಿ ಸಾಧಿಸಿದ್ದಾರೆ . ಅವರು ಪೆರುಮಾಳ್ ತಿರುಮೊಳಿ ಪಾಶುರಂ 1-10 ಕ್ಕೆ “ವನ್‌ಪೆರು ವಾನಗಂ ಉಯ್ಯ ಅಮರರುಯ್ಯ ಮಣ್ಣ್ಉಯ್ಯ ಮಣ್ಣ್ಉಲಗಿಲ್ ಮನಿಸರ್ಉಯ್ಯ ತುನ್ಬಮಿಗು ತುಯರ್ ಅಗಲ ಅಯರ್ವೊನ್ರಿಲ್ಲಾ ಚುಗಂ ವಳರ ಅಗಮಗಿಳುಮ್ ತೊಂಡರ್ ವಾೞ ಅನ್ಬೋಡು ತೆನ್ದಿಸೈ ನೋಕ್ಕಿ ಪಳ್ಳಿ ಕೊಳ್ಳುಮ್” (ಪೆರಿಯಪೆರುಮಾಳ್ ಶ್ರೀರಂಗದಲ್ಲಿ ನೆಲೆಸಿದ್ದಾರೆ, ಸ್ವರ್ಗ ಮತ್ತು ಇತರ ಮೇಲಿನ ಲೋಕಗಳು, ಆಕಾಶ ಜೀವಿಗಳು, ಭೂಮಿ, ಜಗತ್ತಿನಲ್ಲಿ ವಾಸಿಸುವ ಜನರನ್ನು ಮೇಲಕ್ಕೆತ್ತಲು, ಯಾವುದೇ ದುಃಖವಿಲ್ಲದೆ ಹೇರಳವಾದ ಯೋಗಕ್ಷೇಮವನ್ನು ಪಡೆಯಲು ಮತ್ತು ಅವರ ಅನುಯಾಯಿಗಳು ಆನಂದವನ್ನು ಅನುಭವಿಸಲು ದಕ್ಷಿಣ ದಿಕ್ಕನ್ನು ನೋಡುತ್ತಿದ್ದಾರೆ) ಎಂದು ಸೂಚಿಸಿದರು. ಪೆರಿಯ ಪೆರುಮಾಳ್ ಲೋಕದ ರಕ್ಷಣೆಗಾಗಿ ಶ್ರೀರಂಗದಲ್ಲಿ ನೆಲೆಸಿರುವಂತೆಯೇ, ಮಣವಾಳ ಮಾಮುನಿಗಳು ಸಹ ಅಲ್ಲಿ ನೆಲೆಸಿದ್ದಾರೆ ಮತ್ತು ಅವರು ಅವರಿಗೆ ಬಹಳ ಪೂಜ್ಯರಾಗಿದ್ದರು.

ಮೂಲ : https://granthams.koyil.org/2021/08/16/yathindhra-pravana-prabhavam-39-english/

ಆರ್ಕೈವ್ ಮಾಡಲಾಗಿದೆ – https://granthams.koyil.org

ಪ್ರಮೇಯಮ್ (ಗುರಿ) – https://koyil.org
ಪ್ರಮಾಣಮ್ (ಗ್ರಂಥಗಳು) – https://granthams.koyil.org
ಪ್ರಮಾತಾ (ಬೋಧಕರು) – https://acharyas.koyil.org
ಶ್ರೀವೈಷ್ಣವ ಎಜುಕೇಶನ್ / ಮಕ್ಕಳ ಸಾಹಿತ್ಯ – https://pillai.koyil.org

ಅನುವಾದ – ಅಡಿಯೇನ್ ಸುಭದ್ರಾ ರಾಮಾನುಜ ದಾಸಿ
ಪುರಾವೆ ಓದುವಿಕೆ -ಅಡಿಯೇನ್ ಕೊದೈ ರಾಮಾನುಜ ದಾಸಿ