ಯತೀ೦ದ್ರ ಪ್ರವಣ ಪ್ರಭಾವಂ – ಭಾಗ ೩೭

ಶ್ರೀಮತೇ ಶಠಕೋಪಾಯ ನಮಃ ಶ್ರೀಮತೇ ರಾಮಾನುಜಾಯ ನಮಃ ಶ್ರೀಮತ್ ವರವರಮುನಯೇ ನಮಃ ಶ್ರೀ ವಾನಾಚಲ ಮಹಾಮುನಯೇ ನಮಃ

ಪೂರ್ಣ ಸರಣಿ

<< ಹಿಂದಿನ ಲೇಖನವನ್ನು

ನಾಯನಾರರು ಕರುಣೆಯಿಂದ ಶ್ರೀಪೆರುಂಬೂದೂರಿಗೆ ಹೊರಟರು

ತರುವಾಯ, ಶ್ಲೋಕದಲ್ಲಿ ಉಲ್ಲೇಖಿಸಿದಂತೆ ನಾಯನಾರರು ಶ್ರೀಪೆರುಂಬೂದೂರಿಗೆ ಹೊರಟರು.

ಯತೀ೦ದ್ರ ಜನನೀಂಪ್ರಾಪ್ಯ ಪುರೀಂ ಪುರುಷಪುಂಗವ:
ಅಂತ: ಕಿಮಪಿ ಸಂಪಶ್ಯನ್ನತ್ರಾಕ್ಷೀಲ್ಲ ಕ್ಷಮಣಂ ಮುನೀಮ್

(ಪುರುಷರಲ್ಲಿ ಶ್ರೇಷ್ಠರಾದ ಅಳೞಿಯ ಮಣವಾಳರು, ಯತಿರಾಜರ (ರಾಮಾನುಜರ) ಜನ್ಮಸ್ಥಳವಾದ ಶ್ರೀಪೆರುಂಬೂದೂರಿಗೆ ಹೋಗಿ, ಆ ಸ್ಥಳದ ವಿಶಿಷ್ಟ ಲಕ್ಷಣಗಳನ್ನು ನೋಡಿ, ತುಂಬಾ ಸಂತೋಷಪಟ್ಟರು ಮತ್ತು ಇಳೈಯಾಳ್ವಾರರನ್ನು (ರಾಮಾನುಜರು) ಪೂಜಿಸಿದರು). ಅವರು ಪಟ್ಟಣದ ಬಳಿ ನಿಂತು ಅದನ್ನು ಆನಂದಿಸುತ್ತಾ ಹೀಗೆ ಹೇಳಿದರು.

ಇದುವೋ ಪೆರುಂಬೂದೂರ್? ಇಂಗೆ ಪಿರಂದೋ
ಯತಿರಾಸರ್ ಎಮ್ಮಿದರೈ ತೀರ್ತಾರ್ ? – ಇದುವೋದಾನ್
ತೇಂಗುಂ ಪೊರುನಾಳ್ ತಿರುನಗರಿಕ್ಕೋಪ್ಪಾನ
ಓಂಗು ಪುಗೞುಡೈಯ ಊರ್

(ಇದು ಶ್ರೀಪೆರುಂಬೂದೂರ್ ಅಲ್ಲವೇ? ಯತಿರಾಜರು ಅವತರಿಸಿ ನಮ್ಮ ಅಡೆತಡೆಗಳಿಂದ ಮುಕ್ತರಾದ ಸ್ಥಳ ಇದಲ್ಲವೇ? ಸಮೃದ್ಧವಾಗಿ ಹರಿಯುವ ತಾಮರಬರಣಿಯನ್ನು ಹೊಂದಿರುವ ಆಳ್ವಾರ್‌ ತಿರುನಗರಿಗೆ ಸಮಾನವಾದ, ಹೆಚ್ಚಿನ ಖ್ಯಾತಿಯನ್ನು ಹೊಂದಿರುವ ಸ್ಥಳ ಇದಲ್ಲವೇ!) ಅವರು ಪಟ್ಟಣವನ್ನು ಪ್ರವೇಶಿಸಿ, ಮತ್ತೊಂದು ಪಾಸುರವನ್ನು ಪಠಿಸಿದರು.

ಎನ್ದೈ ಯತಿರಾಸರ್ ಎಮ್ಮೈ ಎಡುತ್ತಳಿಕ್ಕ
ವಂದ ಪೆರುಂಬೂದೂರಿಲ್ ವನ್ದೋಮೋ !- ಸಿನ್ದೈ
ಮರುಳೋ? ತೆರುಳೋ? ಮಘಿಜ್ಚ್ ಮಾಲೈ ಮಾರ್ಬನ್
ಅರುಳೋ ಇಪ್ಪೇಟ್ರಕ್ಕಡಿ?

(ನಮ್ಮ ಪ್ರಭು ಯತಿರಾಜರು ನಮ್ಮನ್ನು ಪೋಷಿಸಲು ಬಂದ ಶ್ರೀಪೆರುಂಬೂದೂರನ್ನು ನಾವು ತಲುಪಿದ್ದೇವೆಯೇ? ನಮ್ಮ ಮನಸ್ಸು ಗೊಂದಲಕ್ಕೊಳಗಾಗುತ್ತಿದೆಯೇ? ಅಥವಾ ನಾವು ದೃಢವಾಗಿ ಸ್ಪಷ್ಟವಾಗಿದ್ದೇವೆಯೇ ? ಶ್ರೀಪೆರುಂಬೂದೂರ್‌ಗೆ ಬರುವ ಈ ಭಾಗ್ಯವು, ಎದೆಯ ಮೇಲೆ ಮಘಿಜ್ಚ್ (ಸುವಾಸನೆಯ ಹೂವಿನ) ಮಾಲೆಯನ್ನು ಧರಿಸಿದವನ (ನಮ್ಮಾಳ್ವಾರ್) ಕರುಣೆಯಿಂದಲೇ ದೊರೆಯುತ್ತದೆಯೇ? ತಲುಪಲು ಅಸಾಧ್ಯವಾದ ಪೂಜ್ಯ ಗುರಿಯನ್ನು ಸಾಧಿಸುವ ಬಗ್ಗೆ ಧ್ಯಾನಿಸುತ್ತಾ ಅವರು ಆನಂದದಿಂದ ಪಟ್ಟಣವನ್ನು ಪ್ರವೇಶಿಸಿದರು. ಅವರು ಇರಾಮಾನುಸ ನೂಟ್ರಾನ್ದಾದಿ ಯ 31 ನೇ ಪಾಸುರವನ್ನು ಪಠಿಸಿದರು “ಆಂಡುಗಳ್ ನಾಳ್ ತಿಂಗಳಾಯ್ ….. ಇರಾಮಾನುಸನೈ ಪೋರುಂದಿನಮೇ” (ಓ ಮನಸ್ಸೇ! ನಾವು ವರ್ಷಗಳಿಂದ ಸಂಸಾರದಲ್ಲಿ ಶ್ರಮಿಸುತ್ತಿದ್ದೇವೆ, ಅನೇಕ ರೀತಿಯ ಜನ್ಮಗಳನ್ನು ತೆಗೆದುಕೊಳ್ಳುತ್ತಿದ್ದೇವೆ .ಇಂದು, ಯಾವುದೇ ಆಲೋಚನೆಯಿಲ್ಲದೆ, ದಿವ್ಯ ಭುಜಗಳನ್ನು ಹೊಂದಿರುವ ಮತ್ತು ಕಾಂಚೀಪುರಂನಲ್ಲಿ ವಾಸಿಸುವ ದೇವರಾಜ ಪೆರುಮಾಳರ ದಿವ್ಯ ಪಾದಗಳ ಕೆಳಗೆ ಆಶ್ರಯ ಪಡೆದಿರುವ ರಾಮಾನುಜರನ್ನು ನಾವು ನೋಡುತ್ತೇವೆ. ಅವರು ತಮ್ಮ ಹೃದಯವನ್ನು ಆಶ್ಚರ್ಯದಿಂದ ತುಂಬಿ ಶ್ರೀಭಾಷ್ಯವನ್ನು (ವೇದವ್ಯಾಸರ ಬ್ರಹ್ಮ ಸೂತ್ರ ಗ್ರಂಥಕ್ಕೆ ರಾಮಾನುಜರು ಬರೆದ ವ್ಯಾಖ್ಯಾನ) ಕಲಿಯಲು ಅನುಮತಿ ಕೋರಿ ಶ್ರೀಪೆರುಂಬೂದೂರಿನಲ್ಲಿರುವ ದೇವಾಲಯವನ್ನು ಪ್ರವೇಶಿಸಿದರು. ಆ ರಾತ್ರಿ, ಅವರ ಕನಸಿನಲ್ಲಿ, ಎಂಪೆರುಮಾನಾರ್ ಕರುಣಾಮಯಿಯಾಗಿ ಬಂದು, ನಾಯನಾರನ್ನು ಕರೆದು, ಅವರಿಗೆ ಶ್ರೀಭಾಷ್ಯವನ್ನು ಕಲಿಸಿದರು ಮತ್ತು ಅವರಿಗೆ ಹೇಳಿದರು “ನಾವು ನಿಮಗೆ ಪೆರುಮಾಳ್ ಕೋಯಿಲ್ (ಕಾಂಚಿಪುರಂ ದೇವ ಪೆರುಮಾಳ್ ಕೋಯಿಲ್) ನಲ್ಲಿ ಶ್ರೀಭಾಷ್ಯವನ್ನು ಕಲಿಸುತ್ತೇವೆ. ಕಿಡಾಂಬಿ ನಾಯನಾರ್ ಅವರನ್ನು ಸಂಪರ್ಕಿಸಿ. ನಮ್ಮನ್ನು ಮತ್ತು ತಿರುವಾಯ್ಮೊಳಿ ಪಿಳ್ಳೈ ಅವರನ್ನು ಸಂತೋಷಪಡಿಸಲು ಅದನ್ನು ಕಲಿಯಿರಿ ಮತ್ತು ನಂತರ ವಿವಿಧ ವಿಧಾನಗಳ ಮೂಲಕ ಅರುಳಿಚ್ಚೆಯಲ್ (ನಾಲಾಯಿರ ದಿವ್ಯ ಪ್ರಬಂಧ) ವ್ಯಾಖ್ಯಾನಗಳನ್ನು ಹರಡುತ್ತಲೇ ಇರಿ”. ಎಂಪೆರುಮಾನಾರ್ ಅವರ ದಯಾಪರ ಸೂಚನೆಯಂತೆ, ಅವರು ರಾಮಾನುಜರ್ ಸಂಕಲಿಸಿದ ಶ್ರೀಭಾಷ್ಯವನ್ನು ಕೇಳುವ ಶ್ರದ್ಧೆಯಿಂದ ಕಾಂಚೀಪುರಂ ಪೆರುಮಾಳ್ ಕೊಯಿಲ್‌ಗೆ ಮರಳಿದರು.

ಮೂಲ : https://granthams.koyil.org/2021/08/16/yathindhra-pravana-prabhavam-37-english/

ಆರ್ಕೈವ್ ಮಾಡಲಾಗಿದೆ – https://granthams.koyil.org

ಪ್ರಮೇಯಮ್ (ಗುರಿ) – https://koyil.org
ಪ್ರಮಾಣಮ್ (ಗ್ರಂಥಗಳು) – https://granthams.koyil.org
ಪ್ರಮಾತಾ (ಬೋಧಕರು) – https://acharyas.koyil.org
ಶ್ರೀವೈಷ್ಣವ ಎಜುಕೇಶನ್ / ಮಕ್ಕಳ ಸಾಹಿತ್ಯ – https://pillai.koyil.org

ಅನುವಾದ – ಅಡಿಯೇನ್ ಸುಭದ್ರಾ ರಾಮಾನುಜ ದಾಸಿ
ಪುರಾವೆ ಓದುವಿಕೆ -ಅಡಿಯೇನ್ ಕೊದೈ ರಾಮಾನುಜ ದಾಸಿ