శ్రీః శ్రీమతే శఠకోపాయ నమః శ్రీమతే రామానుజాయ నమః శ్రీమత్ వరవరమునయే నమః
<< 16 – ఆవులు మరియు దూడలను మేపటం
కృష్ణుని ప్రసిద్ధమైన లీలలలో ఒకటి వేణు గానం. కృష్ణుడు ఎప్పుడూ తన చేతిలో గానీ, నడుము వద్ద గానీ వేణువును ధరించేవాడు. అందువల్ల ఎవరైనా కృష్ణుణ్ణి స్మరించినప్పుడు వెంటనే వేణువు కూడా గుర్తుకు వచ్చేలా చేసేవాడు. సాధారణంగా గొర్రెల కాపరుల పిల్లలు కూడా వేణువును తమ దగ్గర ఉంచుకునేవారు. కృష్ణుడు వేణు గానం ద్వారా రెండు పనులు చేసేవాడు. మొదటగా, ఆవులు మరియు దూడలు దూరంగా వెళ్ళిపోయినప్పుడు వాటిని తన దగ్గరకు మళ్లీ తీసుకురావడానికి వాయించేవాడు. రెండవది, వేణు నాదంతో బృందావనంలోని గోపికలను తనవైపు ఆకర్షించేవాడు.
పెరియాళ్వార్ తన పెరియాళ్వార్ తిరుమొళిలో అందమైన “నావళం పెద్దదీవు” అనే పాశురంలో కృష్ణుని వేణు గానం చెయ్యటం అద్భుతంగా వర్ణించాడు. కృష్ణుడు వేణువు గానం చేసే తీరు, కొంచెం భుజాన్ని వంచి గానం చేసే విధానం మన కళ్ళ ముందు ప్రత్యక్షమవుతున్నట్టుగా చూపిస్తాడు. గోపికలు ఆ నాదాన్ని విన్న వెంటనే అన్ని అడ్డంకులు మరచి ఆయన వద్దకు పరుగెత్తుకొచ్చి చేరటం, రంభ మొదలైన దేవతా స్త్రీలు నాట్యం మరిచి మంత్రముగ్ధులవటం. నారదుడు మొదలైన ఋషులు తమ వాద్యాలు మరిచి ఆ నాదమే వినటం. పక్షుల గుంపులు ఆ స్వరాన్ని విన్న వెంటనే కదలకుండాపోవటం. జింకలు, ఆవులు మొదలైన జంతువులు ఆహారం మరిచి కూర్చోని వినసాగటం. చెట్ల నుంచి తేనె స్రవించటం, కొమ్మలు వంగిపోతూ ఆ నాదాన్ని ఆస్వాదించటం అందముగా వర్ణించారు.
కులశేఖరాళ్వార్ తన పెరుమాళ్ తిరుమొళిలో ఇలా వర్ణించారు: “కులశేఖరాళ్వార్” (వేణువు మధురంగా గానం చేస్తూ వినమ్రంగా వచ్చావు). పేయాళ్వార్ తన మూడవ తిరువన్దాదిలో అంటాడు: “కోవలనాయ్ ఆని రైగళ్ మేథ్తుక్కు ఴలూది” (గోపాలుడై కృష్ణుడు ఆవులను మేపుతూ వేణువు వాయించాడు). నమ్మాళ్వార్ తమ తిరువాయ్మొళిలో అంటాడు: “కేయత్ తీంగుళల్ ఊదిఱుం” (తీపి నాదముతో వేణువును గానం చేశారు). ఈ విధంగా ఇతర ఆళ్వార్లు కూడా కృష్ణుడి వేణు గానం గురించి వర్ణించారు.
ఈ సంఘటనలో సారాంశం:
- కృష్ణుని మాటకన్నా ఆయన వేణు నాదమే ఎక్కువ ప్రశంసించబడింది. ఇక్కడ వేణు, ఒక ఆచార్యుని స్థానంలో చూపబడింది. అంటే, ఆచార్యుడి ద్వారా భగవంతున్ని విని, అనుభవించడం మహత్తరమైనదిగా చెప్పబడింది.
- భగవంతుడు కరుణ జల్లు కురిపిస్తే, అది జ్ఞానికి గానీ, అజ్ఞానికి గానీ, పక్షులకు గానీ, జంతువులకు గానీ, చెట్లకూ గానీ తేడా లేకుండా అందరినీ కరిగించగలదు.
మూలం : https://granthams.koyil.org/2023/09/22/krishna-leela-17-english/
అడియేన్ ఆకాష్ రామానుజ దాసన్
పొందుపరిచిన స్థానము – https://granthams.koyil.org
ప్రమేయము (గమ్యము) – https://koyil.org
ప్రమాణము (ప్రమాణ గ్రంథములు) – https://granthams.koyil.org
ప్రమాత (ఆచార్యులు) – https://acharyas.koyil.org
శ్రీవైష్ణవ విద్య / పిల్లల కోసం – https://pillai.koyil.org