ಶ್ರೀಃ ಶ್ರೀಮತೇ ಶಠಕೋಪಾಯ ನಮಃ ಶ್ರೀಮತೇ ರಾಮಾನುಜಾಯ ನಮಃ ಶ್ರೀಮದ್ವರವರಮುನಯೇ ನಮಃ ಶ್ರೀವಾನಾಚಲ ಮಹಾಮುನಯೇ ನಮಃ
ಕಂಸನ ಸಂಹಾರದ ನಂತರ, ಶ್ರೀಕೃಷ್ಣನು ನೇರವಾಗಿ ತನ್ನ ತಂದೆ-ತಾಯಿಯರಾದ ದೇವಕಿ ಮತ್ತು ವಸುದೇವರ ಬಳಿಗೆ ಹೋದನು. ಕೃಷ್ಣನನ್ನು ಕಂಡು ಅವರಿಬ್ಬರೂ ಅತ್ಯಂತ ಆನಂದಭರಿತರಾದರು. ಕೃಷ್ಣನು ಅವರ ಕಾಲಿನಲ್ಲಿದ್ದ ಸಂಕೋಲೆಗಳನ್ನು ಮುರಿದು, ಅವರ ದುಃಖವನ್ನು ಹೋಗಲಾಡಿಸಿದನು. ಕೃಷ್ಣ ಮತ್ತು ಬಲರಾಮರು ತಮ್ಮ ತಂದೆ-ತಾಯಿಯರಿಗೆ ಸಾಷ್ಟಾಂಗ ನಮಸ್ಕಾರ ಮಾಡಿದರು.
ದೇವಕಿ ಪಿರಾಟಿಯು ಕೃಷ್ಣನಿಂದ ಉಂಟಾದ ದೀರ್ಘಕಾಲದ ಅಗಲಿಕೆಯನ್ನು ನೆನೆದು ತುಂಬಾ ದುಃಖಿತಳಾದಳು. ಆ ದುಃಖವನ್ನು ಹೋಗಲಾಡಿಸಲು, ಕೃಷ್ಣನು ಅವಳ ಮೇಲೆ ಅಪಾರ ಪ್ರೀತಿಯನ್ನು ತೋರಿದನು. ಆಕೆಯ ಮಾತೃವಾತ್ಸಲ್ಯದಿಂದಾಗಿ, ಅವಳ ಸ್ತನಗಳಲ್ಲಿ ಸ್ವಾಭಾವಿಕವಾಗಿ ಹಾಲು ಸುರಿಯಲಾರಂಭಿಸಿತು ಮತ್ತು ಕೃಷ್ಣನು ಅದನ್ನು ಸ್ವೀಕರಿಸಿದನು. ಪರಾಶರ ಭಟ್ಟರು ನಂಜೀಯರ್ಗೆ ವಿವರಿಸಿದಂತೆ, ಈ ಘಟನೆಯನ್ನು ‘ಗುರುಪರಂಪರಾ ಪ್ರಭಾವ’*ದಲ್ಲಿ ಉಲ್ಲೇಖಿಸಲಾಗಿದೆ.
ಕೃಷ್ಣನು ತನ್ನ ತಂದೆ-ತಾಯಿಯರ ದುಃಖವನ್ನು ಹೇಗೆ ಪರಿಹರಿಸಿದನು ಎಂಬುದನ್ನು ಆಳ್ವಾರರು ಅನೇಕ ಪಾಶುರಗಳಲ್ಲಿ ಅನುಭವಿಸಿ ಹಾಡಿದ್ದಾರೆ.
ತಿರುಮಂಗೈ ಆಳ್ವಾರರು ತಮ್ಮ ‘ಪೆರಿಯ ತಿರುಮೊಳಿ’ಯಲ್ಲಿ ಹೀಗೆ ಹೇಳುತ್ತಾರೆ: “ತಂದೈ ಕಾಲಿಲ್ ಪೆರು ವಿಲಂಗು ತಾಳ್ ಅವಿಳ ನಳ್ಳತ್ಕಣ್ ವಂದ ಎಂದೈ ಪೆರುಮಾನಾರ್” (ಅರ್ಥಾತ್: ನನ್ನ ಸ್ವಾಮಿಯು ತನ್ನ ತಂದೆಯ ಕಾಲಿನಲ್ಲಿದ್ದ ದೊಡ್ಡ ಸಂಕೋಲೆಗಳನ್ನು ಮುರಿಯಲು ಕತ್ತಲ ರಾತ್ರಿಯಲ್ಲಿ ಬಂದನು) ಮತ್ತು “ತಂದೈ ಕಾಲಿಲ್ ವಿಲಂಗರ ವಂದು ತೋಂಡ್ರಿಯ ತೋಂಡ್ರಲ್” (ಅರ್ಥಾತ್: ತನ್ನ ತಂದೆಯ ಕಾಲಿನ ಸಂಕೋಲೆಗಳನ್ನು ಕಳೆಯಲು ಅವತರಿಸಿ ಬಂದ ಮಹಾಪ್ರಭುವೇ).
ಕುಲಶೇಖರ ಆಳ್ವಾರರು ತಮ್ಮ ‘ಪೆರುಮಾಳ್ ತಿರುಮೊಳಿ’ಯ “ಆಲೈ ನೀಳ್ ಕರುಂಬು” ದಶಕದಲ್ಲಿ, ದೇವಕಿ ಪಿರಾಟ್ಟಿಯ ಭಾವದಲ್ಲಿದ್ದು, ಕೃಷ್ಣನ ಬಾಲ್ಯದ ಲೀಲೆಗಳನ್ನು ನೋಡುವ ಭಾಗ್ಯವನ್ನು ತಾನು ಕಳೆದುಕೊಂಡೆನಲ್ಲಾ ಎಂದು ಪರಿತಪಿಸುವುದನ್ನು ವರ್ಣಿಸಿದ್ದಾರೆ.
ಈ ಲೀಲೆಯ ಸಾರಾಂಶ:
- ಈ ಸಂಸಾರದಲ್ಲಿ ಸಾಕ್ಷಾತ್ ಭಗವಂತನಿಗೆ ತಂದೆ-ತಾಯಿಯಾಗಿದ್ದರೂ ಸಹ, ಯಾರೂ ದುಃಖಗಳನ್ನು ತಪ್ಪಿಸಿಕೊಳ್ಳಲಾಗುವುದಿಲ್ಲ. ಆದರೆ ಅಂತಹವರಿಗೂ ಸಹ, ಆ ದುಃಖಗಳನ್ನು ನಿವಾರಿಸುವವನು ಭಗವಂತನೇ ಆಗಿದ್ದಾನೆ.
- ಭಗವಂತನು ತನ್ನ ಭಕ್ತರಿಗೆ ಸಹಾಯ ಮಾಡುವಲ್ಲಿ ಸ್ವಲ್ಪ ವಿಳಂಬವಾದರೂ, ಅವನು ಖಂಡಿತವಾಗಿಯೂ ಸರಿಯಾದ ಸಮಯದಲ್ಲಿ ಅವರನ್ನು ರಕ್ಷಿಸುತ್ತಾನೆ.
ಅನುವಾದ – ಅಡಿಯೇನ್ ಕಸ್ತೂರಿರಂಗನ್ ರಾಮಾನುಜ ದಾಸನ್
ಪುರಾವೆ ಓದುವಿಕೆ – ಅಡಿಯೇನ್ ಹೇಮಲತಾ ರಾಜನ್ ರಾಮಾನುಜ ದಾಸಿ
ಮೂಲ – https://granthams.koyil.org/2023/10/08/krishna-leela-31-english/
ಆರ್ಕೈವ್ ಮಾಡಲಾಗಿದೆ – https://granthams.koyil.org
ಪ್ರಮೇಯಮ್ (ಗುರಿ) – https://koyil.org
ಪ್ರಮಾಣಮ್ (ಗ್ರಂಥಗಳು) – https://granthams.koyil.org
ಪ್ರಮಾತಾ (ಬೋಧಕರು) – https://acharyas.koyil.org
ಶ್ರೀವೈಷ್ಣವ ಎಜುಕೇಶನ್ / ಮಕ್ಕಳ ಸಾಹಿತ್ಯ – https://pillai.koyil.org