ಯತೀ೦ದ್ರ ಪ್ರವಣ ಪ್ರಭಾವಂ – ಭಾಗ ೨೨

ಶ್ರೀಃ ಶ್ರೀಮತೇ ಶಠಗೋಪಾಯ ನಮಃ ಶ್ರೀಮತೇ ರಾಮಾನುಜಾಯ ನಮಃ ಶ್ರೀಮದ್ ವರವರಮುನಯೇ ನಮಃ

ಪೂರ್ಣ ಸರಣಿ

<< ಹಿಂದಿನ ಲೇಖನವನ್ನು

ಅಳಗಿಯ ಮಣವಾಳ ಮಾಮುನಿಗಳ ದಿವ್ಯ ಅವತಾರ

ತುರ್ಕಿಯ ಆಕ್ರಮಣ ಮತ್ತು ಇತರ ಕಾರಣಗಳಿಂದಾಗಿ, ಪ್ರಪತ್ತಿ ಮಾರ್ಗ ( ಶರಣಾಗತಿಯ ಮಾರ್ಗ ಅಥವಾ ಎಂಪೆರುಮಾನ್‌ಗೆ ಶರಣಾಗತಿ) ದುರ್ಬಲಗೊಂಡಿತು. ಶ್ರೀ ಮಹಾಲಕ್ಷ್ಮಿಯ ಪತಿಯಾದ ಪೆರಿಯ ಪೆರುಮಾಳ್, ಕರುಣೆಯಿಂದ ಕೂಡಿದ ಮತ್ತು ಜಗತ್ತನ್ನು ರಕ್ಷಿಸುವ ಬಗ್ಗೆ ನಿರಂತರವಾಗಿ ಚಿಂತಿಸುವ, ಶ್ರೀರಂಗಂ’ನಲ್ಲಿರುವ ಆದಿಶೇಷನ ಸರ್ಪ ಹಾಸಿಗೆಯ ಮೇಲೆ ಮಲಗಿ, ದರ್ಶನವು [ಸಾಂಪ್ರದಾಯಿಕ ತತ್ತ್ವಶಾಸ್ತ್ರ] ಬೆಳೆಯುತ್ತಿರುವ ರೀತಿಯನ್ನು ನೋಡುತ್ತಾ , ಪ್ರಥಮ ಆಚಾರ್ಯರಾದ, “ಎಂಪೆರುಮಾನಾರ್ (ಭಗವದ್ ರಾಮಾನುಜರ್) ಮಾಡಿದಂತೆ ಜಗತ್ತನ್ನು ಮೇಲಕ್ಕೆತ್ತುವ ಇನ್ನೊಬ್ಬ ವ್ಯಕ್ತಿಯನ್ನು ನಾವು ರಚಿಸೋಣ” ಎಂದು ನಿರ್ಧರಿಸಿದರು. ಸೂಕ್ತವಾದ ವ್ಯಕ್ತಿಯನ್ನು ಹುಡುಕುತ್ತಾ, ಅವರು ತಿರುವನಂತಾಳ್ವಾರರಿಗೆ (ಆದಿಶೇಷನ) ದೈವಿಕ ಅನುಗ್ರಹ ಮಾಡಿದರು ಮತ್ತು ಜಗತ್ತನ್ನು ಸರಿಪಡಿಸಲು ಅವರನ್ನು ನೇಮಿಸಿದರು . ಪೆರಿಯ ಪೆರುಮಾಳ್ ಬಯಸಿದಂತೆಯೇ ಮತ್ತು ಹೇಳಿದಂತೆಯೇ ಅವರು :

ತದ್ಹಸ್ತದಿಂಗೀತಂ ತಸ್ಯ ಜಾನತ್ವೇನ ಜಗನ್ನಿತೇ:
ತಸ್ಮಿನ್ ಧಾಮ್ನಿ ಶಠಾರಾತೇ: ಪುರೇ ಪುನರವಾತರತ್

(ನಂತರ, ತಿರುವನಂತಾಳ್ವಾನ್, ಪೆರಿಯ ಪೆರುಮಾಳ್ ಅವರ ದಿವ್ಯ ಮನಸ್ಸನ್ನು ಅರಿತು, ಶ್ರೀ ಶಟಕೋಪರ (ನಮ್ಮಾಳ್ವಾರ್) ದಿವ್ಯ ನಿವಾಸವಾದ ಆಳ್ವಾರ್ ತಿರುನಗರಿಯಲ್ಲಿಯೇ ಪುನರ್ಜನ್ಮ ಪಡೆದರು)

ಸಂಸನ್ನಿ ಸಮಯಂ ತಸ್ಯ ತುಲಾಂ ಪ್ರಾಪ್ತೆ ದ್ವಿಶಾಂಪತೌ
ಮೂಲಂ ಹಿ ಸರ್ವಸಿಧ್ಧಿನಾಂ ಮೂಲರುಕ್ಷಂ ಪ್ರಚಕ್ಷತೇ

(ತಿರುವನಂತಾಳ್ವಾನರ ದಿವ್ಯ ಅವತಾರವು ಮೂಲಾನಕ್ಷತ್ರದಲ್ಲಿ ನಡೆದಿದೆಯೆಂದು ಬೋಧಕರು ಕರುಣೆಯಿಂದ ದೃಢಪಡಿಸುತ್ತಾರೆ – ಸೂರ್ಯನು ತನ್ನ ಸಂಕ್ರಮಣದಲ್ಲಿ ತುಲಾರಾಶಿಯನ್ನು ತಲುಪಿದಾಗ ಎಲ್ಲಾ ಯೋಜನೆಗಳು ಫಲಪ್ರದವಾಗಲು ಈ ನಕ್ಷತ್ರವೇ ಕಾರಣ)

ಯನ್ಮೂಲಾಶ್ವಯುಜಮಾಸ್ಯಾವತಾರ ಮೂಲಂ ಕಾಂತೋ ಪಯಂತೃ ಯಮಿನಃ ಕರುಣೈಕಸಿಂಧೋ:
ಆಸೀತಸತ್ಸುಗಣಿತಸ್ಯ ಮಮಾಪಿಸತ್ತಾಂಮೂಲಂ ತದೇವಜಗದಭ್ಯುದೈಯೈಕ ಮೂಲಂ

(ಕರುಣಾಸಾಗರದ ಅವತಾರಕ್ಕೆ ಕಾರಣವಾದ ಐಪ್ಪಸಿ (ತುಲಾ) ಮಾಸದ ನಕ್ಷತ್ರವಾದ ಮೂಲ, ಇಡೀ ಜಗತ್ತನ್ನು ಉಳಿಸಿಕೊಳ್ಳಲು ನಿಮಿತ್ತರಾದ ವ್ಯಕ್ತಿಯ ಅಸ್ತಿತ್ವಕ್ಕೆ ಕಾರಣವಾಯಿತು,ಹಾಗೂ ನನ್ನಂತಹ ಕೀಳುಮಟ್ಟದ ಅಸತ್ (ಅಪ್ರಜ್ಞಾಪೂರ್ವಕ) ವ್ಯೆಕ್ತಿಯ ಉಜ್ಜೀವನಕ್ಕೂ ಕಾರಣವಾಯಿತು.) [ಈ ಶ್ಲೋಕವನ್ನು ಮನವಾಳ ಮಾಮುನಿಗಳ ಶಿಷ್ಯರಾದ ಎರುಂಬಿಯಪ್ಪಾ ರಚಿಸಿದ್ದಾರೆ).

ಆಳ್ವಾರ್ ತಿರುನಗರಿಯಲ್ಲಿ ಅಣ್ಣರ್ ತಿಗಳಕ್ಕಿಡಂದಾನ್ ತಿರುನಾವೀರುಡೈಯ ದಾಸರ್ ಅಣ್ಣನ್ ಅವರ ಪತ್ನಿಯ ಗರ್ಭವನ್ನು ಪ್ರವೇಶಿಸಿದರು ಮತ್ತು ಅಲ್ಲಿ ಒಂಬತ್ತು ತಿಂಗಳು ವಾಸಿಸಿದರು.

ಪಾಧ್ಯೇರಭಾವಂ ಗತಾಯಾಮ್ ಕಲಿಯುಗ ಸಾರಥಿ ಸ್ರಧ್ದರಾಯೇ  ಸಖಾಪ್ತೇ 
ವರ್ಷೇ ಸಾಧಾರಣಾಖ್ಯೇ  ಸಮಧಿಗಥತುಲೇ ವಾಸರೇ ಧೀರಸಂಖ್ಯೇ
ವಾರೇ ಜೀವೇಚತುರ್ಥ್ಯಾಂ ಸಮಜನಿಸತಿಥೌ ಶುಕ್ಲಪಕ್ಷೇ 
ಸುಕರ್ಮಾ ಪ್ರಾಜನ್ ಮೂಲಾಖ್ಯತಾರೇ ಯತಿಪತಿರಪರೋ ರಮ್ಯಜಾಮಾತೃ ನಾಮಾ

ಈ ಕೆಳಗಿನ ಶ್ಲೋಕದಲ್ಲಿ ಹೇಳಿರುವಂತೆ , ಕಲಿ ​​ಪುರುಷನು (ಕಲಿಯುಗದ ಅಧಿಪತಿ) ತಕ್ಷಣವೇ ಬಹಳ ದೂರ ಓಡಿಹೋದನು.

ಯಸ್ಮಿನ್ ಸ್ವಪಾದಪದ್ಮೇಣ ಸ್ಪರ್ಶ ಪೃಥ್ವಿವೀಮಿಮಾಂ
ಕಲಿಶ್ಚ ತತ್ಕ್ಷಣೇನೈವ ಧುತ್ರುವೇ ದುರಧಸ್ಥರಾಮ್ 

(ಮನವಾಳ ಮಾಮುನಿಗಳು ತಮ್ಮ ದಿವ್ಯಕಮಲದಂತಹ ಪಾದಗಳಿಂದ ಭೂಮಿಯನ್ನು ಸ್ಪರ್ಶಿಸಿದ ಕೂಡಲೇ , ಕಲಿ ಪುರುಷನು ಬಹಳ ದೂರ ಓಡಿಹೋದನು).

ಹೀಗೆ ಎಲ್ಲಾ ಆತ್ಮಗಳನ್ನು ಮೇಲಕ್ಕೆತ್ತಲು ದೈವಿಕವಾಗಿ ಅವತರಿಸಿದ ಅವರ ಮಗನಿಗಾಗಿ, ಅಣ್ಣರ್ ಅವರು ಜಾತಕರ್ಮವನ್ನು (ಹುಟ್ಟಿದ ನಂತರ ಹನ್ನೊಂದನೇ ದಿನದಂದು ನಡೆಸುವ ಕಾರ್ಯ) ಆಚರಿಸಿದರು ಮತ್ತು ಹನ್ನೆರಡನೆಯ ದಿನ, ತಿರುವಿಳಚ್ಚಿನೈ (ದೈವಿಕ ಚಿಹ್ನೆ) ಅನ್ನು ಭುಜಗಳ ಮೇಲೆ ಅನ್ವಯಿಸಿದರು. ಆ ದಿನಗಳಲ್ಲಿ, ಶಿಶುವಿಗೆ ಪುಣ್ಯಕವಚನವನ್ನು [ಜಾತಕರ್ಮಕ್ಕೆ ಹೋಲುತ್ತದೆ] ಮಾಡಿದ ನಂತರ, ಪುಷ್ಪ ಸಮಾಶ್ರಯನಾಮವನ್ನು ನಡೆಸಲಾಯಿತು. ಇದರಲ್ಲಿ, ಬಿಸಿಯಾದ, ಲೋಹೀಯವಾದ ಸುದರ್ಶನ ಚಕ್ರ ಮತ್ತು ಪಾಂಚಜನ್ಯಂನ ಪ್ರಭಾವವನ್ನು ಬಿತ್ತರಿಸುವ ಬದಲು, ಶಿಶುವಿಗೆ ತಿರುಮಣ್ ಕಾಪ್ಪು (ಬಿಳಿ, ದೈವಿಕ ಮಣ್ಣು) ಮತ್ತು ಶ್ರೀಚೂರ್ಣ (ಕುಂಕುಮ ) ದಿಂದ ಮಾಡಿದ ಸುದರ್ಶನ ಮತ್ತು ಪಾಂಚಜನ್ಯ ಚಿಹ್ನೆಗಳೊಂದಿಗೆ ಅನ್ವಯಿಸಲಾಯಿತು. ಇದನ್ನು ಈಗಲೂ ಕೆಲವು ಶ್ರೀವೈಷ್ಣವರ ಮನೆಗಳಲ್ಲಿ ನಡೆಸಲಾಗುತ್ತದೆ.

ಅನುವಾದ – ಅಡಿಯೇನ್ ಸುಭದ್ರಾ ರಾಮಾನುಜ ದಾಸಿ
ಪುರಾವೆ ಓದುವಿಕೆ -ಅಡಿಯೇನ್ ಕೊದೈ ರಾಮಾನುಜ ದಾಸಿ

ಮೂಲ : https://granthams.koyil.org/2021/08/06/yathindhra-pravana-prabhavam-22-english/

ಆರ್ಕೈವ್ ಮಾಡಲಾಗಿದೆ – https://granthams.koyil.org

ಪ್ರಮೇಯಂ (ಗುರಿ) – https://koyil.org
ಪ್ರಮಾಣ೦ (ಗ್ರಂಥಗಳು) – https://granthams.koyil.org
ಪ್ರಮಾತಾ (ಬೋಧಕರು) – https://acharyas.koyil.org
ಶ್ರೀವೈಷ್ಣವ ಎಜುಕೇಶನ್ / ಮಕ್ಕಳ ಸಾಹಿತ್ಯ – https://pillai.koyil.org