ಶ್ರೀಮತೇ ಶಠಕೋಪಾಯ ನಮಃ ಶ್ರೀಮತೇ ರಾಮಾನುಜಾಯ ನಮಃ ಶ್ರೀಮತ್ ವರವರಮುನಯೇ ನಮಃ ಶ್ರೀ ವಾನಾಚಲ ಮಹಾಮುನಯೇ ನಮಃ
ಜೀಯರ್ ಕರುಣೆಯಿಂದ ಕೋಯಿಲ್ಗೆ ಹಿಂತಿರುಗುತ್ತಾರೆ
ಅವರು ತಿರುಮಾಲಿರುಂಜೋಲೈನಿಂದ ಹೊರಟು, ಪ್ರತಿ ರಾತ್ರಿ ತಿರುಮಾಲಿರುಂಜೋಲೈನ ಅಧಿಪತಿಯು ವಿಶ್ರಾಂತಿ ಪಡೆಯುವ ಸ್ಥಳವನ್ನು ದಯೆಯಿಂದ ತಲುಪಿದರು [ಶ್ರೀರಂಗವು ಎಲ್ಲಾ ದಿವ್ಯದೇಶಗಳಿಂದ ಎಂಪೆರುಮಾನ್ಗಳು ರಾತ್ರಿಗಳಲ್ಲಿ ವಿಶ್ರಾಂತಿ ಪಡೆಯಲು ಬರುವ ದೈವಿಕ ವಾಸಸ್ಥಾನವಾಗಿದೆ], ಶ್ರೀರಂಗಂ. ನಮ್ಮಾಳ್ವಾರ್ ತಿರುವಾಯ್ಮೋಳಿ ೧೦-೯-೮ ರಲ್ಲಿ ಹೇಳಿರುವಂತೆ “ಕೋಡಿಯಾಣಿ ನೆಡುಮದಿಲ್ ಗೋಪುರಂ ಕುರುಗಿನಾರ್” (ವರ್ಣರಂಜಿತ ಧ್ವಜಗಳಿಂದ ಅಲಂಕರಿಸಲ್ಪಟ್ಟ ಎತ್ತರದ ಆವರಣ ಗೋಡೆಗಳಿರುವ ಸ್ಥಳದ ದ್ವಾರವನ್ನು ಪ್ರವೇಶಿಸಿದರು), ಅವರು ಶ್ರೀರಂಗವನ್ನು ಪ್ರವೇಶಿಸುತ್ತಿದ್ದಂತೆ, ಅಲ್ಲಿದ್ದ ಎಲ್ಲಾ ಶ್ರೇಷ್ಠ ಜನರು ಮುಂದೆ ಬಂದು ಅವರ ದಿವ್ಯ ಪಾದಗಳಿಗೆ ಬಿದ್ದು ಪ್ರೀತಿಯಿಂದ ಶ್ಲೋಕವನ್ನು ಪಠಿಸಿದರು.
ವಕುಳತರಸಾವಿತ್ರೀಮ್ ಯಾತಿಯಸ್ಮಿನ್ ಧರಿಧ್ರೀಂ ಮಧುಮತನ ನಿವಾಸೋ ರಂಗಮಾಸಿತಸಾರಮ್
ಪುನರಪಿ ಸುಸಮೃಧ್ದಹಂ ಭೂಯಸಾ ಸಂಪ್ರವಿಷ್ಟೇ ವರವರಮುನಿವರ್ಯೋ ಮಾನುಷ: ಸ್ಯಾದ್ಕಿಮೇಶ:
( ಮಣವಾಳ ಮಾಮುನಿಗಳು ತಮ್ಮ ದಿವ್ಯ ಎದೆಯ ಮೇಲೆ ದಿವ್ಯ ಮಗಿழ ಮಾಲೆಯನ್ನು ಹೊಂದಿರುವ ನಮ್ಮಾಳ್ವಾರರ ಜನ್ಮಸ್ಥಳವಾದ ಆಳ್ವಾರ್ ತಿರುನಗರಿಯನ್ನು ತಲುಪಿದಾಗ, ಕ್ಷೀರ ಸಾಗರವನ್ನು ಮಂಥನ ಮಾಡಿದ ಪೆರುಮಾಳರ ವಾಸಸ್ಥಾನವಾದ ಶ್ರೀರಂಗಂ ತನ್ನ ವೈಭವವನ್ನು ಕಳೆದುಕೊಂಡಿತ್ತು; ಮಣವಾಳ ಮಾಮುನಿಗಳು ದಯೆಯಿಂದ ಶ್ರೀರಂಗವನ್ನು ಮತ್ತೆ ಪ್ರವೇಶಿಸಿದಾಗ, ಅದು ತನ್ನ ವೈಭವವನ್ನು ಮರಳಿ ಪಡೆಯಿತು. ಮಣವಾಳ ಮಾಮುನಿಗಳನ್ನು ಮಾನುಷ ಎಂದು ಪರಿಗಣಿಸಬೇಕೇ? (ಮನುಷ್ಯ)) ಜೀಯರ್ ಅವರ ಮೇಲೆ ಕರುಣೆ ತೋರಿದರು ಮತ್ತು ಮೊದಲು ಅವರೊಂದಿಗೆ ಎಂಪೆರುಮಾನಾರ್ ಅವರ ಸನ್ನಿಧಿಗೆ ಹೋದರು. ಅವರು ಎಂಪೆರುಮಾನಾರ್ ಅವರ ದಿವ್ಯ ಪಾದಗಳನ್ನು ಪೂಜಿಸಿದರು ಮತ್ತು ತಮ್ಮ ಪುರುಷಕಾರ (ಶಿಫಾರಸು) ದೊಂದಿಗೆ ಶ್ರೀ ರಂಗನಾಚ್ಚಿಯಾರ್ ಮತ್ತು ಪೆರಿಯ ಪೆರುಮಾಳ್ ಅವರ ದಿವ್ಯ ಪಾದಗಳನ್ನು ಪೂಜಿಸಿದರು. ಅವರು ಅವರ ವಿಶಿಷ್ಟ ಪ್ರಸಾದಗಳನ್ನು ಸ್ವೀಕರಿಸಿ ದಯೆಯಿಂದ ಅವರ ಮಠವನ್ನು ತಲುಪಿದರು. “ಧಾಮ್ನಿ ಸುಖಾಸೀನಂ” (ಶ್ರೀರಂಗದಲ್ಲಿ ಆರಾಮವಾಗಿ ಕುಳಿತ) ಎಂದು ಹೇಳಿರುವಂತೆಯೇ, ಅವರು ತಿರುಮಲೈಆಳ್ವಾರರಲ್ಲಿ ಆರಾಮವಾಗಿ ಕುಳಿತರು. ಅವರು ನಿಯಮಿತವಾಗಿ ವ್ಯಾಖ್ಯಾನ (ವಿವಿಧ ಪ್ರಬಂಧಗಳು ಮತ್ತು ಶ್ರೀಸೂಕ್ತಿಗಳಿಗೆ ವ್ಯಾಖ್ಯಾನ) ಮಾಡುತ್ತಿದ್ದರು, ಎಲ್ಲರೂ ಸಂತೋಷಪಡುವಂತೆ ಮಾಡಿದರು. ಅವರ ಶಿಷ್ಯರು ಸಹ ಅಂತಹ ಸಂದರ್ಭಕ್ಕಾಗಿ ಶ್ಲೋಕವನ್ನು ಪಠಿಸಿದರು.
ಜಯತು ಯಶಸಾ ತುಂಗಂ ರಂಗಂ ಜಗತ್ರಯ ಮಂಗಳಂ
ಜಯತು ಸುಚಿರಂ ತಸ್ಮಿನ್ ಭೂಮಾ ರಮಾಮಣಿ ಭೂಷಣಂ
ವರಧನಗುರುಣಾರ್ಥಂ ತಸ್ಮೈ ಶುಭಾನ್ಯಪಿ ವರ್ಧಯನ್
ವರವರಮುನಿ: ಶ್ರೀಮಾನ್ ರಾಮನುಜೋ ಜಯತು ಕ್ಷಿತೌ
(ಮಹಾ ಖ್ಯಾತಿಯಿಂದಾಗಿ ಮೂರು ಲೋಕಗಳಿಗೂ ಮಂಗಳಕರವಾದ ಭಂಡಾರವಾಗಿರುವ ಶ್ರೀರಂಗವು ಉತ್ಕೃಷ್ಟವಾಗಿ ಬೆಳಗಲಿ. ಪೆರಿಯ ಪಿರಾಟ್ಟಿಯಾರ್ (ಶ್ರೀ ಮಹಾಲಕ್ಷ್ಮಿ) ಮತ್ತು ಶ್ರೀ ಕೌಸ್ತುಭ [ಎಲ್ಲಾ ಚಿತ್ ಅಸ್ತಿತ್ವಗಳನ್ನು ಪ್ರತಿನಿಧಿಸುವ ದೈವಿಕ ರತ್ನ] ಗಳನ್ನು ದಿವ್ಯ ಆಭರಣಗಳಾಗಿ ಹೊಂದಿರುವ ಎಂಪೆರುಮಾನ್ ಶಾಶ್ವತವಾಗಿ ಬೆಳಗಲಿ. ಆ ಎಂಪೆರುಮಾನನಿಗೆ ಹೆಚ್ಚು ಹೆಚ್ಚು ಶುಭವನ್ನು ಸೃಷ್ಟಿಸುವ ಮತ್ತು ವರದಗುರು ಅಣ್ಣನ್ ಜೊತೆಯಲ್ಲಿ ರಾಮಾನುಜರ ಪುನರ್ಜನ್ಮವಾಗಿರುವ ಮಣವಾಳ ಮಾಮುನಿಗಳು ಈ ಭೂಮಿಯ ಮೇಲೆ ಗೌರವಯುತವಾಗಿ ಬೆಳಗಲಿ).
ಮಣವಾಳ ಮಾಮುನಿಗಲ್ ಅವರು ಅழಗರ್ ಕೋಯಿಲ್ನ ನಿರ್ವಾಹಕರಾಗಿ ಜೀಯರ್ ಅವರನ್ನು ಕಳುಹಿಸುತ್ತಾರೆ
ಜೀಯರ್ ಅழಗರ್ ಗಾಗಿ ನಡೆಸಿದ ಮಂಗಳಾಶಾಸನವು ತಿರುಕ್ಕುರುಂಗುಡಿಯಿಂದ ತನ್ನ ದೈವಿಕ ನಿವಾಸಕ್ಕೆ ಹಿಂದಿರುಗಿದ ಅழಗರ್ ನೊಂದಿಗೆ ಫಲ ನೀಡಿತು. ಅழಗರ್ ನಿಂದ ಒಂದು ದೈವಿಕ ಸಂದೇಶ ಬಂದಿತು, “ದೇವರೀರ್ ಅವರ ಆಲೋಚನೆಗಳಿಗೆ ಅನುಗುಣವಾಗಿ ನಾವು ನಮ್ಮ ನಿವಾಸಕ್ಕೆ ಹಿಂತಿರುಗಿದ್ದೇವೆ ‘ನಂಗಲ್ ಕುನ್ರಮ್ ಕೈವಿಡಾನ್’ (ಅವರು ನಮ್ಮ ಬೆಟ್ಟವನ್ನು ಬಿಡುವುದಿಲ್ಲ). ನಮ್ಮ ಮನೆಯ ಎಲ್ಲಾ ಚಟುವಟಿಕೆಗಳನ್ನು ದಯೆಯಿಂದ ಸರಿಯಾಗಿ ನಡೆಸಲು, ಯಾರನ್ನಾದರೂ ಇಲ್ಲಿಗೆ ಕಳುಹಿಸಿ. ಇದನ್ನು ಓದಿ ಜೀಯರ್ ತುಂಬಾ ಸಂತೋಷಪಟ್ಟರು ಮತ್ತು ಯತಿರಾಜ ಜೀಯರ್ ಎಂಬ ದೈವಿಕ ಹೆಸರಿನಿಂದ ಒಬ್ಬ ಜೀಯರ್ ಅನ್ನು ಕಳುಹಿಸಿದರು, ಅವರು ಮಹಾವಿರಾಕ್ತರು (ಎಲ್ಲವನ್ನೂ ಸಂಪೂರ್ಣವಾಗಿ ತ್ಯಜಿಸಿದವರು) ಮತ್ತು ಅವರು ಅழಗರ್ ಶ್ರೀಕಾರ್ಯಂ (ಅழಗರ್ ದೇವಾಲಯದಲ್ಲಿ ಚಟುವಟಿಕೆಗಳನ್ನು ನಿರ್ವಹಿಸುವವನು) ಆಗಿ ಮಂಗಳಾಶಾಸನ ಪರರ್ (ಪೆರುಮಾಳರಿಗೆ ಮಂಗಳಾಶಾಸನ ನಡೆಸುವಲ್ಲಿ ಆಳವಾಗಿ ತೊಡಗಿಸಿಕೊಂಡಿದ್ದರು) ಆಗಿದ್ದರು. ಯತಿರಾಜ ಜೀಯರ್ ಕೂಡ ಅಲ್ಲಿಗೆ ಹೋಗಿ, ಅழಗರ್ ನ್ನು ಪೂಜಿಸಿ, ತಮ್ಮ ಆಚಾರ್ಯರ ಮೇಲಿನ ಪ್ರೀತಿಯ ಅಭಿವ್ಯಕ್ತಿಯಾಗಿ ಎಲ್ಲಾ ಕೈಂಕರ್ಯಗಳನ್ನು ಮಾಡಿದರು.
ಮೂಲ : https://granthams.koyil.org/2021/10/17/yathindhra-pravana-prabhavam-91-english/
ಅನುವಾದ – ಅಡಿಯೇನ್ ಸುಭದ್ರಾ ರಾಮಾನುಜ ದಾಸಿ
ಆರ್ಕೈವ್ ಮಾಡಲಾಗಿದೆ – https://granthams.koyil.org
ಪ್ರಮೇಯಂ (ಗುರಿ) – https://koyil.org
ಪ್ರಮಾಣ೦ (ಗ್ರಂಥಗಳು) – https://granthams.koyil.org
ಪ್ರಮಾತಾ (ಬೋಧಕರು) – https://acharyas.koyil.org
ಶ್ರೀವೈಷ್ಣವ ಎಜುಕೇಶನ್ / ಮಕ್ಕಳ ಸಾಹಿತ್ಯ – https://pillai.koyil.org