ಶ್ರೀಮತೇ ಶಠಕೋಪಾಯ ನಮಃ ಶ್ರೀಮತೇ ರಾಮಾನುಜಾಯ ನಮಃ ಶ್ರೀಮತ್ ವರವರಮುನಯೇ ನಮಃ ಶ್ರೀ ವಾನಾಚಲ ಮಹಾಮುನಯೇ ನಮಃ
ಸ್ವಾಮಿ ಅಣ್ಣನ್ ಅವರು ಸಾಲೈಕ್ಕಿನರ್ ನಿಂದ ಪೇರರುಳಾಲರಿಗೆ ತಿರುಮಂಜನ ಕೈಂಕರ್ಯವನ್ನು ನೆರವೇರಿಸಿದರು
ಪೇರರುಳಾಲನ್ ಅವರ ತಿರುವಾರಾಧನೆ (ದೈವಿಕ ಪೂಜೆ) ಗಾಗಿ ಸಾಲೈಕ್ಕಿನರ್ (ರಸ್ತೆಯ ಪಕ್ಕದಲ್ಲಿ) ದಿಂದ ತಿರುಮಂಜನಂ (ಪವಿತ್ರ ನೀರು) ತರಲು ಸ್ವಾಮಿ ಅಣ್ಣನ್ (ಕಂದಾಡೈ ಅಣ್ಣನ್ ) ಬಯಸಿದ್ದರು. ಇದು ಉಡಯವರ್ (ರಾಮಾನುಜರು) ಸಂತೋಷದಿಂದ ನಡೆಸಿದ ಕೈಂಕರ್ಯವಾಗಿರುವುದರಿಂದ, ಇದು ಮುದಲಿಯಾಂಡಾನ್ ಸಂತೋಷದಿಂದ ನಡೆಸುತ್ತಾರೆ ಮತ್ತು ಕಂದಾಡೈ ತೊಳಪ್ಪರ್ (ಮುದಲಿಯಾಂಡಾನ್ ಮೊಮ್ಮಗ) ಆಸೆಯಿಂದ ನಡೆಸುತ್ತಿದ್ದರು, ಒಬ್ಬ ಅಣ್ಣನು ಈ ಕೈಂಕರ್ಯವನ್ನು ಬಹಳ ಸಂತೋಷದಿಂದ ತೊಡಗಿಸಿಕೊಂಡರು . ಅವರು ಬೆಳಿಗ್ಗೆ [ತಮ್ಮ ಮಠದಿಂದ] ಎದ್ದು, ದೇವಸ್ಥಾನದ ಕೊಳಕ್ಕೆ ಹೋಗಿ, ಸ್ನಾನ ಮಾಡಿ, ನಿತ್ಯಕರ್ಮಅನುಷ್ಟಾನಗಳನ್ನು (ನಡೆಸಬೇಕಾದ ದೈನಂದಿನ ಚಟುವಟಿಕೆಗಳು) ಮಾಡಿದರು ಮತ್ತು ಕೈಂಕರ್ಯದಲ್ಲಿ ಹೆಚ್ಚಿನ ಆಸಕ್ತಿ ಹೊಂದಿದ್ದ ಶ್ರೀವೈಷ್ಣವರೊಂದಿಗೆ, ಸಾಲೈಕ್ಕಿನರ್ ಬಳಿಗೆ ಹೋಗಿ, ನೀರು ತರಲು ಬಳಸಬೇಕಾದ ಪಾತ್ರೆಗಳನ್ನು ಸ್ವಚ್ಛಗೊಳಿಸಿ, ನೀರಿನಿಂದ ತುಂಬಿಸಿ, ದೈವಿಕ ಶಿರಸ್ಸಿನ ಮೇಲೆ ಹೊತ್ತುಕೊಂಡು, ಆಳವಂದಾರರ ಪ್ರಬಂಧವಾದ ಸ್ತೋತ್ರ ರತ್ನವನ್ನು ಜಪಿಸಿದರು. ಅವರು ಕಾಂಚಿಪುರಂನಲ್ಲಿ ತಂಗಿದ್ದ ಎಲ್ಲಾ ದಿನಗಳಲ್ಲಿ ತಣ್ಣೀರಮುದು ಉತ್ಸವದಂತೆ (ಈ ಉತ್ಸವವನ್ನು ತಿರುಮಲೈನಲ್ಲಿ ಉಡಯವರ್ ದೀಕ್ಷೆ ನೀಡಿದರು) ಮಾಡಿದರು. ಉತ್ಸವವನ್ನು ನಡೆಸಲು ಕಾರಣವೆಂದರೆ ಉಡಯವರ್ ಅವರ ತಾಯಿಯ ಚಿಕ್ಕಪ್ಪ ತಿರುಮಲೈ ನಂಬಿ ಅವರು ತಿರುಮಲೈನಲ್ಲಿದ್ದಾಗ ತೀರ್ಥ ಕೈಂಕರ್ಯವನ್ನು ನಡೆಸುತ್ತಿದ್ದರು (ತಿರುವೇಂಗಡಮುಡೈಯನ ದೈವಿಕ ಪೂಜೆಗಾಗಿ ಆಕಾಶ ಗಂಗೆಯಿಂದ ನೀರನ್ನು ತರುವುದು),ಒಂದು ದಿನ ಎಂಪೆರುಮಾನ್ ಬೇಟೆಗಾರನ ವೇಷದಲ್ಲಿ ಬಂದು, ತಿರುಮಲೈ ನಂಬಿ ತಲೆಯ ಮೇಲೆ ಹೊತ್ತುಕೊಂಡಿದ್ದ ಮಡಿಕೆಯಲ್ಲಿ ಒಂದು ರಂಧ್ರ ಮಾಡಿ, ಮಡಿಕೆಯ ರಂಧ್ರದಿಂದ ನೀರು ಕುಡಿದರು . ಈ ಘಟನೆಯನ್ನು ಎಲ್ಲರಿಗೂ ತಿಳಿಸುವ ಸಲುವಾಗಿ, ಉಡಯವರ್ ಇದನ್ನು ಉತ್ಸವವನ್ನಾಗಿ ಮಾಡಿದರು, ಆ ಸಮಯದಲ್ಲಿ ಅಧ್ಯಯನ ಉತ್ಸವ ಪೂರ್ಣಗೊಂಡ ಮರುದಿನ ಅನೇಕ ಶ್ರೀವೈಷ್ಣವರು ಆಕಾಶ ಗಂಗೈಯಿಂದ ನೀರನ್ನು ತರುತ್ತಿದ್ದರು).
ಕಂದಾಡೈ ರಾಮಾನುಜ ಅಯ್ಯಂಗಾರ್ ಅವರು ಕೈಂಕರ್ಯಗಳನ್ನು ನಡೆಸಿದರು
ತಿರುಮಲೈನಲ್ಲಿ ಕೈಂಕರ್ಯಗಳನ್ನು ಮಾಡಿದ ನಂತರ ಕಂದಾಡೈ ರಾಮಾನುಜ ಐಯಂಗಾರ್ ಕಂಚಿಗೆ ಹಿಂತಿರುಗಿದ ನಂತರ, ಅವರು ಅನಂತಸರಸ್ ದಲ್ಲಿ (ಕಾಂಚಿಪುರಂ ದೇವಪ್ಪೆರುಮಾಳ್ ದೇವಸ್ಥಾನದಲ್ಲಿರುವ ದೇವಾಲಯದ ಕೊಳ) ನೀರಾழி ಮಂಟಪ (ಕೊಳದ ಮಧ್ಯದಲ್ಲಿ ಸಭಾಂಗಣದಂತಹ ರಚನೆ), ಅನಂತಸರಸ್ ಎಲ್ಲಾ ಬದಿಗಳಲ್ಲಿ ಮೆಟ್ಟಿಲುಗಳು, ಕೊಳದ ದಕ್ಷಿಣ ಭಾಗದಲ್ಲಿ ಸೊಗಸಾದ ಎತ್ತರದ ನೆಲ, ಸಿಂಹಾಸನ (ಪೆರುಮಾಳ್ಗೆ ದೈವಿಕ ಸಿಂಹಾಸನ) ಮತ್ತು ದೇವಾಲಯದಲ್ಲಿ ಮಂಟಪ (ಸಭಾಂಗಣ) ಗಳನ್ನು ನಿರ್ಮಿಸಿದರು. ಅವರು ತಿರುಮಳಿಸೈ ಪಿರಾನ್ ದೇವಸ್ಥಾನದಲ್ಲಿ (ತಿರುಮಳಿಸೈ ಆಳ್ವಾರ್) ಕೈಂಕರ್ಯಗಳನ್ನು, ಪೆರುಮಾಳಿಗೆ ತಿರುಮಂಜನಂ (ದೈವಿಕ ಸ್ನಾನ) ಮಾಡುವ ಮಂಟಪದ ಮುಂದೆ ಒಂದು ದೊಡ್ಡ ಮಂಟಪ, ಇತರ ವಿವಿಧ ಮಂಟಪಗಳು, ತಿರುಮಡೈಪ್ಪಳ್ಳಿ (ಪೆರುಮಾಳಿಗೆ ದೈವಿಕ ಆಹಾರವನ್ನು ತಯಾರಿಸುವ ದೈವಿಕ ಅಡುಗೆಮನೆ), ಪೆರುಮಾಳಿಗೆ ದೈವಿಕ ಆಭರಣಗಳನ್ನು ಅರ್ಪಿಸುವುದು, ಪೆರುಮಾಳಿಗೆ ತಿರುಮಂಜನಂ ಸಮಯದಲ್ಲಿ ಅರಿಶಿನ ಲೇಪನವನ್ನು ತಯಾರಿಸುವುದು ಮತ್ತು ಹಲವಾರು ಇತರ ಕೈಂಕರ್ಯಗಳನ್ನು ಸಹ ಮಾಡಿದರು. ಪೆರುಮಾಳ್ ಅವರ ದೈವಿಕ ತುಟಿಗಳಿಗೆ ಸೂಕ್ತವಾದ ಆಹಾರವನ್ನು ಮಾಡಲು ಕಂದಾಡೈ ಅಣ್ಣನ್ ಅವರಿಗೆ ಹೇಳಿದರು ಮತ್ತು ಅವರಿಗೆ ಹೇಳಿದರು “ಇವೆಲ್ಲವೂ ಅಳಗಿಯ ಮಣವಾಳ ಮಾಮುನಿಗಳ ಕೈಂಕರ್ಯಗಳು. ಅವುಗಳನ್ನು ಖಂಡಿತವಾಗಿ ಮಾಡಿಸಿ”. ಅವರು ಕಂದಾಡೈ ರಾಮಾನುಜ ಅಯ್ಯಂಗಾರ್ಗೆ “ಅಪ್ಪಾಚ್ಚಿಯಾರ್ ಅಣ್ಣನನ್ನು ನೀನು ನನ್ನಂತೆ ನಡೆಸಿಕೊಳ್ಳು” ಎಂದು ಹೇಳಿ ನಂತರ ತಿರುಮಲೈಗೆ ಕಳುಹಿಸಿದರು.
ಅಣ್ಣನ್ ಜೀಯರ್ – ಜೀಯರ್ ಅಣ್ಣನ್
ನಂತರ ಸ್ವಾಮಿ ಅಣ್ಣನವರು ಶ್ರೀಪೆರುಂಬುದೂರ್ ಮತ್ತು ಇತರ ದಿವ್ಯದೇಶಗಳಲ್ಲಿ ಮಂಗಳಾಶಾಸನವನ್ನು ಮಾಡಲು ಬಯಸಿದರು. ತಿರುವಾರಾಧನೆಯನ್ನು ಮಾಡಿ ಪೆರುಮಾಳರಿಗೆ ಅರ್ಪಿಸಿದ ನೈವೇದ್ಯವನ್ನು ಸೇವಿಸಿದ ನಂತರ ಪೇರ್ ಅರುಳಾಲನ್ ಅನುಮತಿಯನ್ನು ಪಡೆದರು. ಪೆರುಮಾಳರು ಅವನಿಗೆ ತಮ್ಮ ದಿವ್ಯ ಹಳದಿ ಬಣ್ಣದ ವಸ್ತ್ರ, ಅಭಯಹಸ್ತ (ತಮ್ಮ ದಿವ್ಯ ಕೈಗಳ ಮುದ್ರೆ), ತಿರುವಡಿಸೋಡು (ತಮ್ಮ ದಿವ್ಯ ಪಾದಗಳಿಗೆ ದೈವಿಕ ರಕ್ಷಾಕವಚ), ಕಲಾಬಂ (ಸುವಾಸನೆಯ ಪುಡಿಗಳ ಮಿಶ್ರಣ), ಅವರು ಧರಿಸಿದ್ದ ತುಳಸಿ ಮಾಲೆಯನ್ನು ನೀಡಿ, ಇವೆಲ್ಲವೂ “ಜೀಯರ್ಗಾಗಿ” ಎಂದು ಹೇಳಿದರು. ನಂತರ ಅವರು ಸಂತೋಷದಿಂದ ಅಣ್ಣನಿಗೆ ಹೊರಡಲು ಅನುಮತಿ ನೀಡಿದರು. ಅಣ್ಣನು ವೈಯಮಾಳಿಗೈನಲ್ಲಿರುವ ಕಚ್ಚಿಕ್ಕು ವಾಯ್ತಾನ್ ಮಂಟಪ (ದೇವಾಲಯದ ಒಳಗಿನ ಒಂದು ಸಭಾಂಗಣ)ವನ್ನು ತಲುಪಿ ಜೀಯರ್ನ ಮಹಿಮೆಯನ್ನು ಸ್ಮರಿಸಿಕೊಂಡರು . ಇವುಗಳನ್ನು ಕೇಳಿ ಪೇರ್ ಅರುಳಾಲನ್’ನಿಗೆ ಸಂತೋಷವಾಯಿತು. ಆ ಸಮಯದಲ್ಲಿ ಅಲ್ಲಿ ನೆರೆದಿದ್ದ ಕೆಲವು ಗಣ್ಯ ವ್ಯಕ್ತಿಗಳು ತಮ್ಮ ಜೀಯರ್ಗೆ ಪೇರ್ ಅರುಳಾಲನ್ ಅಣ್ಣನ್ ಜೀಯರ್ ಎಂಬ ದಿವ್ಯ ಹೆಸರನ್ನು ಇಟ್ಟಿದ್ದಾರೆ ಎಂದು ಹೇಳಿದರು. ಪೆರಿಯ ಪೆರುಮಾಳರು ಸ್ವಾಮಿ ಅಣ್ಣನ್ (ಕಂದಾಡೈ ಅಣ್ಣನ್) ಗೆ ಜೀಯರ್ ಅಣ್ಣನ್ ಎಂಬ ದಿವ್ಯ ಹೆಸರನ್ನು ಇಟ್ಟಿದ್ದಾರೆ ಎಂದು ಅಲ್ಲಿದ್ದ ಇತರ ಕೆಲವು ಗಣ್ಯ ವ್ಯಕ್ತಿಗಳು ಹೇಳಿದರು. ಹೀಗೆ ಗಣ್ಯ ವ್ಯಕ್ತಿಗಳು ಜೀಯರ್ ಮತ್ತು ಅಣ್ಣನ್ ನಡುವಿನ ಪರಸ್ಪರ ನಿಕಟತೆ ಮತ್ತು ಅದ್ಭುತ ವಾತ್ಸಲ್ಯವನ್ನು ಹಾಗೂ ಅವರ ವೈಭವಗಳನ್ನು ಆಚರಿಸುತ್ತಿದ್ದರು. ಆಗ ಜೀಯರ್ ಅವರಿಂದ ಅಣ್ಣನಿಗೆ ಒಂದು ಸಂದೇಶ ಬಂತು, “ತುಂಬಾ ದಿನವಾಯಿತು. ತಕ್ಷಣ ಬನ್ನಿ” ಎಂದು. ಅಣ್ಣನು ಆ ದೈವಿಕ ಸಂದೇಶವನ್ನು ತಲೆಯ ಮೇಲೆ ಹೊತ್ತುಕೊಂಡು, ಶ್ರೀಪೆರುಂಬುದೂರ್ ಮತ್ತು ಇತರ ದಿವ್ಯದೇಶಗಳ ಕಡೆಗೆ ನೋಡಿ, ನಮಸ್ಕರಿಸಿ, ತಕ್ಷಣವೇ ಶ್ರೀರಂಗಕ್ಕೆ ಹೊರಟರು .
ಮೂಲ : https://granthams.koyil.org/2021/09/22/yathindhra-pravana-prabhavam-86-english/
ಅನುವಾದ – ಅಡಿಯೇನ್ ಸುಭದ್ರಾ ರಾಮಾನುಜ ದಾಸಿ
ಆರ್ಕೈವ್ ಮಾಡಲಾಗಿದೆ – https://granthams.koyil.org
ಪ್ರಮೇಯಂ (ಗುರಿ) – https://koyil.org
ಪ್ರಮಾಣ೦ (ಗ್ರಂಥಗಳು) – https://granthams.koyil.org
ಪ್ರಮಾತಾ (ಬೋಧಕರು) – https://acharyas.koyil.org
ಶ್ರೀವೈಷ್ಣವ ಎಜುಕೇಶನ್ / ಮಕ್ಕಳ ಸಾಹಿತ್ಯ – https://pillai.koyil.org